Згрозувачка сцена од салон за маникир во Србија – техничарка за нокти со апел до сите
- Детали
- четврток, 10 октомври 2024
„Маникирот не го лечи проблемот, но не смее да биде причина за болест и не смеат да работат тие што не знаат“, вели Билјана Чулибрк, техничар и обучувач за маникир, која сподели вознемирувачки фотографии од состојбата на ноктите на една жена.
Билјана Чулибрк е сопственичка на салон за маникир во Србија, која своето знаење го пренесува и на другите техничари за маникир преку одржување на обуки.
Периодов, таа се соочила со згрозувачки фотографии од една жена, за кои јавно проговори на нејзиниот Инстаграм профил и поттикна лавина од реакции.
Билјана објави фотографии од оштетени нокти на жена, која барала спас од неа. Поради гној и воспаление ноктите на клиентката почнале дури да се одвојуваат од месото.
Сето тоа таа вели дека е резултат на недезинфициран прибор за работа.
Нејзината објава од Инстаграм Стори, која ја споделија многумина, гласи:
„Знаете колку постојано зборувам за дезинфекција и стерилизација? Колку е важна за нас самите и нашето здравје, но и за здравјето на нашите клиентки?
Многу често слушам коментари: ‘Па што, тоа е само маникир, доволен е алкохол’.
Во многу салони со истиот прибор работат постојано, пребришувајќи го само со алкохол, па ниту со тоа.
Нема свесност како правилно се прави дезинфекција и стерилизација, која е важен сегмент од моите обуки.
Маникирот не го лечи проблемот, но НЕ СМЕЕ да биде причина за болест и не смеат да работат нокти, тие што не се научени како да работат“.
Потоа, таа додава:
„И сега да појаснам, за дезинфекција и стерилизација треба дневно да се одвои по 20 минути после секоја клиентка, што значи дека ако сакате да заработите ќе треба да ја подигнете цената.
Но, техничарите за нокти во страв да не ги изгубат клиентките одат по линија на помал отпор со мислата ‘Тоа нема да ми се случи на мене’.
A што ќе правиме ако ви се случи? Затоа јас ги учам моите ученици да ја ценат својата работа, вложените пари во едукација и прибор“.
Прочитајте и Македонскиот фризер Зоки Давитков: „Преку глава ми е да работам со луѓе кои не знаат како да се однесуваат кога одат на фризер“
С. С. | Црнобело
Би можело да ве интересира:
Препорачуваме
Најчитани неделава
