Лав Григорије, Вила, Реа - најчудните имиња кои познатите личности од регионот им ги дале на своите деца

Детали

недела, 08 септември 2024

Дали знаевте дека синовите на Лепа Брена имаат по две имиња? Синот на Дарко Рундек, пак, го има најдолгото име кое некогаш сте го слушнале.

Во желбата да се истакнат или да бидат оригинали и единствени, родителите се трудат на своите наследници да им дадат уникатно име.

Исклучок не се ни јавните личности. Многу познати во Македонија и на Балканот избираат токму нешто поинакво за своите деца.

Иако овој тренд на необични имиња кај познатите трае одамна, особено е нагласен последниве години.

Кои необични имиња познатите личности од регионов им ги дале на своите деца?

Водителот Огњен Амиџиќ и неговата сопруга Мина Наумовиќ својот син го крстија Перун.

Познатата српска писателка Исидора Бјелица синот го крсти Лав Григорије, а ќерката Вила Еванѓелина.

Релја Поповиќ и Николија својата ќерка ја крстија Реа.

Политичарот Чедомир Јовановиќ синот го крсти Михајло Лајф (живот), а ќерките Јана Харт (срце) и Зора Фејт (верба).

фото: Фејсбук

Синовите на Лепа Брена имаат по две имиња и се викаат Стефан Емералд и Виктор Ернест.

Здравко Чолиќ својата ќерка ја крсти Уна.

Синот на Дарко Рундек се вика Давид Вид Викторије Димитрије Себастијан Ернест.

Прочитајте и Уникатни имиња на децата на познатите Македонци: Гаиа, Кира, Киан

С. Ш. | Црнобело