Марија Шерифовиќ по третпат на одмор со синот Марио: „Толку од тишината и мирот“

Детали

среда, 14 август 2024

По одморот со мајка ѝ Верица и полубратот Даниjел, Марија повторно отпатува со синот Марио на одмор. Не откри каде се, но покажа дека за мајките навистина нема одмор и ретко можат да искористат неколку мигови во коишто може да уживаат во мир и тишина.

Прво беа во Црна Гора, потоа во Шпанија, а сега повторно Марија Шерифовиќ одлучи слободното време да го искористи и да го однесе синот Марио на одмор.

Ова е третпат летово познатата српска пејачка да замине на патување со синот, откако претходно рече дека во детството најмногу ѝ недостасувало да оди на одмори со мајка ѝ.

За време на првиот одмор во Црна Гора, Марија со себе понесе и дадилка и стоматолог, која требаше да биде тука со неа, за секој случај, за да не ѝ испадне протезата.

Потоа, во Шпанија замина со мајка ѝ Верица и со полубратот Данијел, кои постојано беа тука за неа и ѝ помагаа околу грижата за синот Марио.

Сега, Марија не откри каде отпатувале, но од фотографиите и видеата што ги сподели, може да се препознае луксузниот апартман што се издава на грчкиот остров Амулијани, кое е идеално место за одмор за опуштање, а изобилува со рајски плажи.

Марија се пофали дека имала можност да ужива во читањето на биографијата на Витни Хјустон покрај плажа, сѐ додека не се разбудил синот.

„Толку од тишината и мирот“ – напиша таа.

Инаку во своите влогови Марија често искрено зборува за мајчинството и покажува како го поминува слободното време со синот.

Ден по ден ги раскажува деновите што заедно ги поминуваат на одмор, а може да се види дека и таа, како и сите други мајки на мали деца, се соочува со голем број непроспиени ноќи и со сите предизвици што ги носи првата година од животот на едно бебе.

Прочитајте и Исповед на Марија Шерифовиќ: „Родителите долго криеја од мене дека имам полубрат - од вонбрачна врска на татко ми“

 Б. С. Б. | Црнобело