Исповед на Марија Шерифовиќ: „Родителите долго криеја од мене дека имам полубрат - од вонбрачна врска на татко ми“
- Детали
- петок, 10 ноември 2023
„Не се сеќавам, кој точно ми ја соопшти вистината, но знам дека беше болно“ – пејачката Мaрија Шерифовиќ си ја отвори душата и призна како се чувствувала кога конечно на површина испливала вистината за тајната што нејзините родители долго ја криеле од неа.
Полубратот на Марија Шерифовиќ, Данијел, балканската публика имаше можност да го запознае за време на шоуто „Операција Триумф“ во 2008-ма година, а фановите често прашуваат во какви односи се тие двајца.
Марија, неодамна гостуваше во емисијата „На терапији“ каде отворено зборуваше за моментот кога дознала дека има полубрат, што бил плод на вонбрачната врска што нејзиниот татко Рајко ја имал со фризерката Лидија Павловиќ.
Таа вели дека не се сеќава точно кога ја дознала тајната што нејзините родители долго ја криеле од неа, но признава дека тоа бил мошне болен момент.
„Не се сеќавам точно кој ми соопшти дека имам полубрат, но мислам дека тоа беше Драгиња, мајката на мојот татко Рајко. Ние во семејството никогаш не сме знаеле да ги најдеме најправилните начини за да соопштиме што било, и според мене, тоа е чесно“ – изјави таа.
Иако често се шират гласини дека Данијел и Марија не се во добри односи, српската пејачка одлучи да стави крај на неточните наводи, па изјави:
„Во тој миг, јас, како постара сестра станав негов заштитник. Сите личности што имаат каква било генетска поврзаност со мене, ја имаат и мојата поддршка, целата моја сила, сите мои крилја“ – нагласи Марија.
Марија со мајка ѝ Верица Шерифовиќ
Инаку, нејзиниот полубрат Павловиќ во „Операција Триумф“ многу повеќе остана запаметен по лошиот однос со другите учесници и постојаните расправии и конфликти, отколку по настапите.
Потоа учествуваше и во некои други реални шоуа, по што одлучи да целосно да се повлече од јавниот живот.
Данијел, исто така го наследил музичкиот талент, од неговиот татко Рајко, па работи како пијанист и има свое музичко училиште, а дел од српските медиуми пишуваат дека за овој бизнис му помогнала и неговата сестра Марија.
Погледнете повеќе фотки од него во продолжение:
Б. С. Б. | Црнобело
Би можело да ве интересира:
Препорачуваме
Најчитани неделава
