Накратко затворен граничниот премин „Богородица“, поради пожар на грчката страна

Детали

среда, 17 јули 2024

Фотки на кои се гледа пожарот и густиот чад кој се крева на граничниот премин Евзони меѓу Македонија и Грција. На надзорните камери од македонска страна можеа да се видат голем број камиони и возила кои чекаат огнената стихија да биде изгасена за да го продолжат патувањето.

Граничниот премин Богородица помеѓу Македонија и Грција накратко беше затворен за сообраќај, заради пожар кој избувнал од грчка страна.

Како што пренесуваат грчките медиуми, пожарот избувнал денес (17.07) околу пладне, односно во 11 часот по наше време, а истовремено граничниот премин целосно бил затворен за сообраќај и од македонска и од грчка страна.

Гореше тревна површина, но локалните власти се обидуваа да дејствуваат брзо заради страв дека пожарот може да се прошири на шумските предели во близина.

Φωτιά στα σύνορα των Ευζώνων- Έκλεισε το τελωνείο https://t.co/p1FvZuOOxg pic.twitter.com/5gBjdZ2HWA

— Makeleio.gr (@Makeleio_gr) July 17, 2024

На социјалните мрежи веќе се споделуваат фотографии од пожарот, а на надзорните камери од граничниот премин Богородица, од македонска страна можеа да се забележи долги колони возила кои чекаа пожарот да биде изгаснат за да можат да преминат на другата страна.

Според грчките медиуми,  на гаснење на пожарот работеле 20 пожарникари со 10 противпожарни возила и хеликоптер.

Според последните информации пожарот е стабилизиран, а протокот на возила бил овозможен околу 13 и 30 часот.

Б. С. Б. | Црнобело