Хит видео од плажа во Пефкохори: „Лани им ги фрлив сите сламарици со кои си чуваа место преку ноќ“
- Детали
- вторник, 02 јули 2024
„А во Пефкохори ништо ново - и понатаму со простирки се чува место преку ноќ“, пишува на видеото споделено на српскиот Инстаграм профил Nikana.gr, кое предизвика голема дебата во регионот.
Лежалките кои преку ноќ стојат на јавните плажи во Пефкохори и „чуваат место“ за нивните сопственици за следниот ден, предизвикаа дебата на социјалните мрежи.
Ова се случи откако на Инстаграм беше објавено видео од плажата која е преполна со простирки, пешкири, па и издишан душек, а врз кои има големи камења, за да ги држат, да не „летнат“ во текот на ноќта.
„А во Пефкохори ништо ново - и понатаму на овој начин се чува место преку ноќ“, пишува на видеото споделено на Инстаграм.
Видеото предизвика поделени реакции во јавноста.
Едни велат дека не е ништо страшно што луѓето си ги оставаат асурите и пешкирите за да имаат каде да се сместат следниот ден бидејќи плажата е мала.
Други се револтирани бидејќи поради несовесните туристи, кои мислат само на себе, немаат каде да се сместат кога ќе дојдат на, и онака малата градска плажа.
„Јас лани сè тоа собрав, фрлив во канта и ај чао“, вели жена, која доби и пофалби и критики за својата реакција.
„Се залепиле луѓето за Пефкохори ко да е Азурен брег. A всушност е еден голем панаѓур. Толку подобри места има, помирни, почисти и со помалку гужва на цел Халкидики“, стои во друг коментар.
„Ова е срамота. Лани беше вака и во Полихроно“.
„Што да прават луѓето кога е мала плажичка и за пола саат се полни“.
Но, имаше и хумористични коментари:
„Добро е што не си оставиле пешкири од лани“.
„Барам работа - чувар на пешкири. Локација Пефкохори - Ханиоти! Препорачајте ме“.
„А можеби ќе има јога час на полноќ“.
„Станувам во 5 на одмор за да си фатам место“.
Погледнете го видеото:
А. Ј. | Црнобело / фото: depositphotos.com
Би можело да ве интересира:
Препорачуваме
Најчитани неделава
