Српски туристи снимиле необична магла на плажа на Лефкада – Знаете ли за што се работи?
- Детали
- среда, 26 јуни 2024
„Појавата траеше околу половина час“ – велат српските туристи кои го споделија видеото на социјалните мрежи и прашуваат дали некој знае за што се работи. Знаете ли вие?
На социјалните мрежи се објавени фотки и видеа од плажата Катизма на островот Лефкада во Грција, а туристите се збунети од густата магла што одеднаш се надвиснала над нив.
На социјалните мрежи деновиве редовно се објавуваат фотки и видеа од познатите туристички места во Грција каде во моментов престојуваат голем број туристи од Балканот, а присутните на плажата Катизма на Лефкада пред неколку денови успеале да забележат една несекојдневна појава.
На Инстаграм страната Nikana.gr една следбеничка испратила видео на кое е впечатлива густата магла, а накратко појаснила:
„Со оглед на тоа што сме сигурни дека немаше пожар, а дека цел ден имаше бранови и ветер, топол и влажен воздух, верувам дека имаше испарување на солта... И преубаво беше. Дишев како никогаш во животот“...
Маглата на плажата била присутна околу половина час, а на Фејсбук се објавени уште неколку фотки на кои може да се забележи замагленоста.
Додека повеќемина се шегуваат дека некој правел скара на плажата или дека изгорело гирото во близина, оние поупатените велат дека станува збор за ретка метеоролошка појава која е попозната како адвекциска или морска магла.
Оваа магла се јавува како последица на тоа што над морето струи топол воздух кој е со значително повисока температура од темепратурата на водата, па заради тоа доаѓа до кондензација на водата на површината и создавање на магла.
Слична појава беше забележана и во Будва пред неколку години.
Погледнете го видеото оттаму:
Б. С. Б. | Црнобело
Би можело да ве интересира:
Препорачуваме
Најчитани неделава
