Анастасија Ражнатовиќ објави ретко видео со татко ѝ Аркан и бремената Цеца на својот 26-ти роденден

Детали

сабота, 25 мај 2024

Ќерката на Цеца, Анастасија Ражнатовиќ, роденденот си го честиташе со видео кое ја прикажува неа низ годините, од бебе до денес, а меѓу снимките е и една со нејзиниот починат татко, Жељко Ражнатовиќ - Аркан. 

Анастасија Ражнатовиќ полни 26 години. Роденденот го прославува во Севиља, Шпанија, каде што живее со сопругот, фудбалерот Немања Гудељ.

Сепак, за да го одбележи роденденот, таа избра да сподели видео на Инстаграм на кое се споени интересни снимки од нејзиното детство до денес.

Анастасија избра видеа во кои Цеца е бремена и кажува дека ако има девојче, тоа ќе се вика Анастасија, а потоа и од гостувањето на Цеца кај Минимакс, каде што Анастасија има само неколку месеци и првпат е на телевизија.  

Но, тука се и моменти од нејзината крштевка и ретка снимка каде што таа е во прегратките на татко ѝ Аркан, кој ја гушка и бакнува додека е бебе.

Славеничката сподели и неколку нејзини детски настапи, од тинејџерските години, од летувања, но и неколку од видеа направени последниве месеци, па може да се види како од бебе израснала во 26-годишна девојка.

„Среќен ми роденден. 26“, напиша ќерката на Цеца на Инстаграм и доби бројни честитки и убави роденденски желби.

Погледнете го видеото:

А. Ј. | Црнобело