Северина во војна со најзгодниот свештеник во Хрватска: „Јас само имав добар секс, ти посакувам и тебе да пробаш“

Детали

понеделник, 20 мај 2024

По изјавата за абортус на хрватскиот свештеник Томислав Лукач, кој е ѕвезда на Инстаграм, Северина одлучи да се пресмета со него.

Хрватската пејачка Северина во текот на изминатите денови водеше Инстаграм војна со Томислав Лукач кој е нарекуван најзгодниот свештеник во Хрватска.

Таа пред неколку дена на социјалните мрежи ја сподели објавата во која ги повика сите граѓани на Европската Унија да ја потпишат петицијата за право на абортус.

Нејзиниот активизам беше поддржан од голем број колешки, како од Хрватска, така и од регионот.

Но, очигледно, нејзината порака не им се допадна на некои луѓе, па сподели дека добивала и заканувачки пораки.

Сосема неочекувано, пејачката завојува со најзгодниот хрватски свештеник на Инстаграм, Томислав Лукач.

Тој на ТикТок објави кратко видео во кое се спротивстави на активизмот на Северина, па рече:

„Абортусот не само што е големо зло, туку многу им штети и на жените што ќе се одлучат на тој чин“ – по што го сподели сведоштвото на една жена која имала абортус и која се соочувала со психолошки проблеми.

@dontomolukac

Severina, volim te i molim za tebe. Javi se za kavu! #fyp #foryou #foryoupage #fypシ゚viral #priest

♬ original sound - dontomislavlukac

По ова, Северина на Инстаграм Стори објави фотографија на која навидум свештеникот ѝ се обраќа со погрдни зборови, па напишал:

„Скандалозна жена. Таман се опорави од јахтата, кога еве ја пак (се јавува)“.

На ова пејачката не ги бираше зборовите и над фотографијата од свештеникот напиша:

„Драги, статусот ти звучи како моторот на јахтата да ми ја пресекол главата, па ми ја сошиле назад...

Јас само имав добар секс, што и тебе ти го посакувам. Можеш и со некоја личност од спротивниот пол.

Како знаеш дека нешто не е добро, ако не си го пробал? Крстот ти е топ“.

Додека во најголем број од медиумите во регионот ги пренесоа зборовите на пејачката, свештеникот се чувствуваше должен да се огласи со ново видео на социјалните мрежи, па ја обвини пејачката дека неправедно го прозвала.

Во својот одговор кон Северина, тој рече:

„Навистина сакам да знаете што Северина направи со моето видео. Моето видео за абортусот беше споделено од 197 луѓе, меѓу нив еден човек го сподели видеото на своето Стори и напиша погрдни зборови кон неа.

И што направи кралицата? Значи таа го зела неговото Стори, го отсекла неговото име и презиме да не се гледаат и го објави тоа како да е мое и како јас да сум јас тој што ја навредил“ – вели тој.

@dontomolukac

Severina, volim te i molim za tebe. Javi se za kavu! #fyp #foryou #foryoupage #fypシ゚viral #priest

♬ original sound - dontomislavlukac

Инаку, Томислав е познат по неговите кратки видеа во кои зборува за верата и за тоа што значи неговата професија.

Често знае да зборува јавно за појавите во општеството, да ги коментира хитовите и музиката што е популарна, но и јавно да го каже сопственото мислење.

Б. С. Б. | Црнобело