Само на костими потрошила 50.000 евра – Колку пари заработи Александра Пријовиќ од петте концерти во Осиек?
- Детали
- вторник, 20 февруари 2024
Петте концерти на Александра Пријовиќ во Осиек ги посетиле околу 25.000 луѓе, а Хрватите опседнатоста на нивната публика со српската пејачка уште ја нарекуваат и „пријоманија“. Колку пари заработила пејачката од овие настапи?
Српската пејачка Александра Пријовиќ минатата недела одржа пет концерти во Осиек, Хрватска, а според пишувањата на регионалните медиуми, голем број други познати музичари би можеле да ѝ завидат на сумата што ја заработила.
Петте концерти на Александра Пријовиќ ги посетиле околу 25.000 фанови, а според пресметките на хрватскиот портал 24sata.hr, таа само од продажба на билети заработила околу 875.000 евра.
„Но, од тоа треба да се одземат трошоците за закуп на салата, сценографијата, светлата, бендот... Тие трошоци не се мали, но наспроти заработката се занемарливи.
Александрам според ценовникот на салата, само за закупот на простор платила околу 50.000 евра за петте концерти“ – пишува порталот.
Освен тоа, пејачката задолжително требало да плати и осигурителна полиса за несреќни случаи или одговорност за работите.
Според српските медиуми, пак, Александра би заработувала многу повеќе пари кога би штедела повеќе на костимите и на продукцијата.
Наводно, нејзините пријатели и членови на семејството се обиделе да ја убедат да не фрла толку пари на тоа:
„Само за стилисти, костими и комплетниот тим што е задолжен за нејзиниот изглед, Пријовиќ издвои над 50.000 евра.
Таа е суров професионалец и не жали пари за сè да биде перфектно и публиката од нејзиниот концерт да си замине среќна.
Заради тоа, таа во моментов е најпопуларната, најуспешната и најплатената српска пејачка“ – пишуваат српските медиуми повикувајќи се на извори блиски до пејачката.
Наводно, пејачката е свесна дека овој период е минлив и дека во моментов го живее својот најголем сон што можеби никогаш нема да ѝ се повтори, па затоа сака од нејзините концерти да има видео снимки што ќе сведочат за нејзиниот огромен успех.
Инаку, кога ќе се одземат сите трошоци, се претпоставува дека на Пријовиќ ѝ останале околу половина милион евра, што воопшто не е ниска сума и на која може да ѝ завидат голем број нејзини повозрасни колешки.
Прочитајте и Гласини за афера со менаџерот, нападнала девојка во публиката – Сите скандали на Александра Пријовиќ
Б. С. Б. | Црнобело / фото: Инстаграм
Би можело да ве интересира:
Препорачуваме
Најчитани неделава
