„Мамо, немој да ме оставаш“ – Северина објави емотивно видео со синот + Како Милан ја искористи грешката на судиите?

Детали

четврток, 25 јануари 2024

Северина сподели емотивно видео со досега необјавени фотографии со синот Александар, а судиите во Врховниот суд се обидуваат да ја оправдаат својата одлука за да ѝ го одземат синот. Како Милан Поповиќ успеа да ја искористи грешката на претходните судии и да ѝ го одземе детето?

Во вторникот, балканската јавност занеме откако во сите медиуми беше објавено дека Врховниот суд во Загреб одлучил повторно да ѝ го одземе синот на Северина и да го врати на татко му, Милан Поповиќ.

Додека голем број јавни личности упатија пораки со поддршка до хрватската пејачка и јавно порачаа дека местото на детето е покрај мајка му, судот вчера (24.01) даде образложение зошто била поништена претходната одлука за заедничко старателство.

Имено, како што соопштуваат хрватските медиуми, Врховниот суд го прифатил барањето на Милан Поповиќ да се направи ревизија на претходната одлука, затоа што претходните судии во Сплит не направиле усно испитување на вештаците, како што тој барал.

Според одлуката на Врховниот суд, Милан бил повреден со оваа „процедурална грешка“ на судиите и затоа претходната одлука е укината, а Северина повторно ќе смее да го гледа синот само двапати неделно и секој втор викенд.

Сега, случајот повторно се враќа од почеток, односно повторно ќе биде вратен во Жупанискиот суд во Сплит и Северина од почеток ќе мора да се бори и да докажува дека заслужува да добие старателство над синот.

Продолжува на следната страница...