Трансформацијата на Филип Митевски (44): „Имав 108kg - сега со 30kg помалку, се чувствувам како 20-годишен“

Детали

четврток, 27 февруари 2025

„Тешко е да се биде дебел, гојазен, физички неспремен, неактивен, тром, мрзелив. Знам дека е тешко. Пред 6 месеци имав 108 килограми и постојано бев изморен, поспан, мрзелив… Па, така се решив да преземам нешто“, ја започнува својата приказна Филип Митевски (44), кој работи како главен готвач во хотел во Германија, за CRNOBELO.com.

Филип Митевски (44), роден е во Куманово, а живее Германија, каде работи како главен готвач во хотел, плус како декоратер на храна (food designer).

Тој направи драстична телесна трансформација со помош на својата волја, истрајност и посветеност.

Пред околу половина година имал 108kg, а денес неговата тежина е 78kg.

Вели дека сега на негови 44 години се чувствува како да има 20 години, а времето го исполнува со многу тренинзи и многу игри со неговата ќерка Никол.

За CRNOBELO.com тој споделува детали за својата телесна трансформација:

„Тешко е да се биде дебел, гојазен, физички неспремен, неактивен, тром, мрзелив. Знам дека е тешко.

Тешко е и да бидеш постојано физички активен, да се храниш здраво и тоа е тешко но, работата е во тоа кое тешко го бираме ние.

Најголемиот предизвик кога си сам свој шеф не е работата, туку ти. Нема кој да ви каже што, кога и како да го правите тоа.

Сè зависи од вашата дисциплина, фокус и одлуки. Но, тоа е и најголемата можност, затоа што само вие ги поставувате границите.

Продолжува на следната страница...