Калиопи за CRNOBELO: „Кога создадов свое семејство, сфатив колкава жртва правеле моите родители за мене“

Детали

четврток, 17 октомври 2024

„Заради мене целото семејство го напушти Кичево и се пресели во Скопје. Тоа се големи промени, жртви, неизвесност. Дури кога самата створив семејство, сфатив колку голем стрес бил тој период за моите најблиски“, вели Калиопи во интервју за CRNOBELO.com.

Ако за некоја пејачка кај нас се спомне епитетот „дива“ првата асоцијација е секогаш Калиопи. Без исклучок.

По 40 години на сцената, таа овој епитет не го носи само поради долговечноста и својот неверојатен глас (со кој и ќе ве наежи, ќе ве расплаче и ќе ве крене), туку и поради својата емотивност, па не можете да останете рамнодушни на неа.

А Калиопи е подеднакво голема и на сцената и вон неа. Ќе ве плени со еден збор, ќе ве шармира со една насмевка, ќе „ве купи“ засекогаш со една прегратка.

Отсекогаш била таква, а вие, не можете, а да не ја сакате.

И додека се подготвува за својот голем концерт во арената „Борис Трајковски“, каде по скоро цела една деценија ќе се дружи со скопската публика, Калиопи најде време и за неформално дружење и појадок со новинарите.

„Јас само ги мирисам овие печива денес. На липосукциска диета сум и денес ми е последниот ден, не смеам да ја прекршам. Симнав 8kg, а сакам да намалам уште некои 4kg за да ја имам онаа идеална тежина од Баку, кога ја пеев ‘Црно и бело’ на Евровизија“, кажа со насмевка.

А во интервју за CRNOBELO.com, поп-дивата зборуваше и за приватниот живот, детството и поддршката од родителите, за пријателскиот однос со поранешните сопружници Ромео Грил и Васил Зафирчев, но и за пријателите, кои, како што вели „за неа знаат да кренат карпа, кога таа губи сила“.

Прочитајте го целото интервју со Калиопи:

Во моментов се подготвувате за големиот скопски концерт и ова ќе биде ваш прв концерт во Скопје по 8-9 години. Зошто толку долго време ја „лишувавте“ домашната публика од вашите настапи во живо и емоциите кои ги носите на сцената?

Кога човек го чека вистинското време, не постои долго, ниту кратко време.

Јас само чекав да имам голем повод за да ѝ го подарам на домашната публика најдоброто од себе и да ја израдувам.

Ќе биде ли и вашето семејство на концертот? Кога последен пат, пак, тие ве гледаа на некој од вашите настапи?

Секако дека ќе биде. А последен пат ме гледаа во Белград, на мојот втор концерт во „Сава центар“.

Многу сте блиска со вашата мајка и повремено знаете да споделите фотографии со неа. Дали се „топи“ кога ќе ѝ запеете? Сака ли да ѝ пеете дома, кога сте сами, да ѝ засвирите на пијаното за мерак?

Мајка ми е уметничка душа. Таа цел свој живот го посвети на просветителството и воспитување на многу генерации.

Сликарството е нејзина силна страна, па освен учениците, и ние денес уживаме во нејзиното творење, таа сè уште црта.

Кај неа дома се наоѓа мојот прв клавир, па често знам спонтано да ѝ запеам…

Колку таа, но и вашиот покоен татко ве поддржуваа во желбата за пеење во детството... Ви беа ли ветер во грб од првиот момент?

Секогаш! Уште од првиот момент кога ја воочиле мојата дарба и силна желба за пеење, биле мојот столб, мојот ветер во грб, но пред сѐ - мојата сигурна лулка.

Заради мене, целото семејство го напушти Кичево и се пресели во Скопје. Тоа се големи промени, жртви, неизвесност.

Дури кога самата створив семејство, сфатив колку голем стрес бил тој период за моите најблиски.

Но, знам исто така дека тие никогаш не зажалија…

Продолжува на следната страница...