Полина Тасева: „Во битолското кабаре се пронајдов себеси, секое излегување на сцената е нов предизвик“

Сами се шминкате и средувате фризури или има цел тим што стои зад вас?

Секако имаме професионален тим. Тимот за фризура и шминка е секогаш со нас и секој викенд нè подготвуваат за шоуто.

И секогаш има различен договор за тоа како ќе изгледаат фризурата и шминката.

Колку настапите во кабарето ти помогнаа во кариерата?

Кариерата се базира на работа и многу вложен труд, искуство и искористени можности.

Од едно искуство произлегуваат следни чекори, се остваруваат нови можности.

Да ја имаш привилегијата да бидеш константно активен во својата професија е нешто најблагодарно - стануваш сè подобар и имаш можност да ја градиш сопствената кариера.

Преку кабарето се стекнав со публика и запознав луѓе кои ме почитуваат и ми се вистинска поддршка.

Моментално работам на нови песни, а моето следно излегување пред публиката ќе биде повторно на овогодинешниот Макфест со песна на Димитар Андоновски како автор.

Ти настапи и лани на Макфест и тоа во дует со Ламбе Алабаковски. Какво искуство беше тоа?

Со Ламбе имавме слушан дует и се радувам што направивме заедничка соработка.

Тој е човек со кој лесно можеш да оствариш комуникација, одлично се разбиравме за работата и создадовме ново пријателство.

Изгледаш одлично. Како ја одржуваш фигурата? Вежбаш? Внимаваш на исхраната или и генетиката игра улога?

Благодарам. Голем фан сум на вежбање и напорни тренинзи, иако не секогаш го одржувам активно темпото на тоа поле.

Исхраната е клучна, не е важно колку често јадеш - важно е што јадеш.

Отсекогаш сум практикувала здрава исхрана и домашно зготвено, затоа храната никогаш не ми била проблем во килажата, освен минимално варирање.

Генетиката е клучна за сѐ, па така и за фигурата.

На сцена си во впечатливи костуми - но каков ти е приватниот стил на облекување?

Костимите ги носам во свој стил, го обожавам секој посебно зошто е направен специјално за мене.

Приватниот стил ми е изграден соодветно на конституцијата, ставот и карактерот.

Секогаш нашите карактерни особини ги истакнуваме на некаков начин, дали во големата слика или во деталите.

Бидејќи сум уметник во душа, мојата природа им дава значење на деталите и затоа сакам во мојот стил секогаш да има некоја впечатлив сегмент кој ќе биде соодветно забележан.

Продолжува на следната страница...