Владимир Четкар за родниот град: „Баба ми и дедо ми живееја близу Чинарот, оттаму ги носам најубавите детски сеќавања“
- Детали
- сабота, 20 јули 2024
„Ако во светот постои Бермудскиот триаголник, кај нас локално, постои Заумскиот триаголник полн со мистерии. Тука е измерена најголемата длабочина на езерото, од скоро 300m, а тиркизните бои на водата се сретнуваат со белите камења и зелените падини на Галичица, па добивате чувството дека сте на некој егзотичен остров“, вели Владимир Четкар за серијалот „За мојот роден град“ за CRNOBELO.com.
Еден од најпознатите охриѓани, не само кај нас, туку и во светот, е џез музичарот Владимир Василевски - Четкар.
Иако долги години живее на релација Македонија-САД, во последно време, во поголемиот дел од годината е во родниот град, каде што му е семејството и каде се чувствува најубаво.
Па, неретко може да го видите како вози велосипед по пристаништето, накај Свети Наум или до некоја од плажите близу градот.
А, ако не е таму, тогаш е некаде низ стариот дел од Охрид, да испие кафе, или ужива покрај езерото каде што компонира, бидејќи најголемата инспирација ја наоѓа покрај древното езеро.
А, кои се местата кои му се најубави во и околу родниот град, Четкар открива во разговорот за CRNOBELO.com:
Охридскиот стар чинар
„Милениумското дрво е еден од најпрепознатливите живи симболи на Охрид.
Според една од легендите, ова дрво го засадил самиот свети Климент Охридски, иако дрвото е најверојатно постаро од тоа.
Во негова непосредна близина живееја баба ми и дедо ми и оттаму ги имам најубавите спомени од моето детство.
Кога и да го видам, ми буди емоција и сеќавања на некои безгрижни времиња“.
Перивлепта
„Ова е место кое се наоѓа во срцето на стариот град и е една од моите духовни оази, благодарение на надалеку познатата црква Богородица Перивлепта.
Нејзините фрески се вброени како едни од најзначајните достигнувања и ремек-дела на византиската уметност.
Тука секогаш ја чувствувам енергијата напластена низ вековите, како да комуницира со мене“.
фото: Википедија
Продолжува на следната страница...
Би можело да ве интересира:
![](https://www.crnobelo.com/media/com_jvrelatives/images/thumbs/com_content_104237_400.jpg)
![](https://www.crnobelo.com/media/com_jvrelatives/images/thumbs/com_content_107321_400.jpg)
![](https://www.crnobelo.com/media/com_jvrelatives/images/thumbs/com_content_106785_400.jpg)
![](https://www.crnobelo.com/media/com_jvrelatives/images/thumbs/com_content_107652_400.jpg)
![](https://www.crnobelo.com/media/com_jvrelatives/images/thumbs/com_content_103522_400.jpg)
![](https://www.crnobelo.com/media/com_jvrelatives/images/thumbs/com_content_105767_400.jpg)