Успешни Македонци низ светот: Д-р Ана Кацарска е гинеколог – акушер во Дубаи

Детали

четврток, 04 јануари 2024

„Заминав сама, иако никогаш претходно не сум била овде. Луѓето се многу пријатни и гостопримливи. Во Дубаи никогаш немате чувство дека сте сами“ – раскажува д-р Ана Кацарска од Скопје, гинеколог – акушер во приватна болница во Дубаи.

Д-р Ана Кацарска од Скопје е гинеколог – акушер која веќе 2 години работи во Дубаи.

„Отсекогаш имав желба и сакав да живеам и работам во мултиетничко општество со повеќе националности. Заминав сама, иако никогаш претходно не сум била во Дубаи, единствено имав читано за градот дека е многу динамичен и дека брзо се развива и една од работите што ја сакам за градот е токму таа динамика“.

Прочитајте го интервјуто со д-р Ана Кацарска:

Колку време ви беше потребно да се навикнете на животот таму?

Се навикнав прилично брзо. Луѓето што живеат овде се многу пријатни и гостопримливи и секогаш се подготвени да помогнат. Во Дубаи никогаш немате чувство дека сте сами.

Како бевте прифатени како доктор од Македонија? Дали ви беа признаени сите дипломи од образованието?

За работа во Дубаи како доктор секогаш зависи од која земја доаѓате, различни се и критериумите. За мене беше потребно да се положи тест кој не беше воопшто лесен, но желбата да се биде дел од светот беше поголема од сè.

Дали работите во приватна или државна болница? Колку е поразлично искуството на раѓање од Македонија?

Работам во приватна болница. Има постојано новитети, се следат секогаш светските трендови, во болницата каде што работам има можност за родилките за „water birth“.

Да се работи со доктори од целиот свет е навистина голем предизвик, но и можност секогаш да се научат нови оперативни техники.

Начинот на породување е индивидуален како и кај нас и во зависност од самата бременост, доста од пациентките сакаат и се одлучуваат за „water birth“, најверојатно од желбата да се види и проба едно поразлично искуство.

Постои ли можност за брз напредок во кариерата во Дубаи? 

Дубаи е одлично место за луѓето кои имаат желба нешто да постигнат, градот нуди одлични услови за брз напредок, бидејќи животот во Дубаи е навистина динамичен и брзо прогресивен.

Секојдневно се случуваат премногу настани и конференции, има многу што да се види и научи.

Продолжува на следната страница...