Кои омилени балкански јадења се здрави, а кои не, според нутриционист од Србија?
Сармата, но и печивата од пекари се едни од најпопуларните јадења на Балканот - но колку се здрави?
Колкава е важноста на храната во современото општество покажува и фактот дека најголем дел од буџетот го издвојуваме токму за неа.
Постојано се појавуваат нови диети, списоци со здрава и нездрава храна. Постојано сме во трка со времето, па понекогаш правиме лоши одлуки во врска со храната која ќе ја поставиме на трпезата и ќе ја внесеме во организмот.
Што јадете, тоа е вашето здравје! Има многу вистина во оваа изјава.
Сепак, многу од луѓето се обожаватели на познатите балкански специјалитети и откажувањето од нив ни оди навистина тешко.
Познатата српска нутриционистка Милка Раичевиќ објаснува кои јадења влијаат погубно врз нашето здравје, иако ги консумира целиот Балкан.
Секако, тоа не значи дека никогаш не треба да ги консумирате, само да биде тоа умерено и балансирано.
Што јадеме, а не е најздраво?
Подварок
Омиленото јадење кај голем број луѓе на Балканот е преполно со масти.
Покрај тоа, подварокот обично се приготвува со многу месо, така што во комбинација со зелката тешко се вари и му прави огромен товар на стомакот.
Сарма
Сите витамини и минерали се уништуваат за време на подготовката на ова омилено балканско јадење.
Сармата е многу вкусна, но во основа додека ја јадеме, внесуваме многу калории и ништо повеќе во однос на нутритивната вредност.
Сè што доаѓа од пекарница
Поради начинот на живот, но и немањето на доволни пари, пекарницата е првиот избор кога станува збор за многу оброци во текот на денот.
Пекарските производи не треба да се јадат поради прекумерната количина маснотии што ја содржат, белото брашно од кое се прават и разните додатоци што им се додаваат на продуктите од тесто.
Особено не треба да се консумираат секој ден. Може да се јадат интегрални продукти, но сепак со мера, односно повремено.
Полномасни сирења
Прекумерните количини на масни сирења можат да предизвикаат силна главоболка без луѓето воопшто да ја знаат причината. Далеку подобри алтернативи се младите и растителните сирења.
Пржена и печена храна
Подготовката ги уништува сите здрави и хранливи состојки. Како поткрепа на ова тврдење на нутриционистката се и многуте истражувања кои потврдуваат дека пржената храна го зголемува ризикот од срцеви заболувања.
На следната страница што јадеме, а е навистина здраво...
Би можело да ве интересира:
Препорачуваме
Најчитани неделава
