Прсти да излижете: Крцкави ролнички полнети со пилешко месо и сос од домати
Филот можете да го подготвите еден ден претходно, па кога ќе си дојдете од работа да направите брза вечера што ќе им се допадне на сите.
Овие ролнички можете да ги полните и со рендано телешко или свинско месо, изборот е ваш, а филот можете да го подготвите и претходно.
Дополнително, можете да ги полните само со рендано пилешко месо и рендан кашкавал или пак на основниот фил да му додадете и сечкани лути пиперчиња за попикантен вкус.
Како да подготвите крцкави ролнички од тортиља?
Потребни состојки:
- 1kg пилешки стек;
- ½ кромид;
- 1 домат исечкан на коцкички;
- 2 чешниња лук;
- 2 мали лажички сол;
- 1 мала лажичка црн бибер;
- 1 лажичка мелен ким;
- 16 тортиљи;
- Марула исечкана на тенки ленти;
- Павлака;
- Парчиња авокадо (по желба).
Начин на подготовка:
- Пилешкото месо се вари во вода со 1 лажичка сол. Кога ќе се свари, се трга од оган да се олади, па потоа се ренда со ренде;
- Во тава со масло се пропржува ренданото пилешко месо, заедно со ситно исечканиот кромид, ситно исечканиот домат, исечканиот лук и се зачинуваат со сол, бибер и ким;
- Состојките се пржат додека кромидот да омекне, а пилешкото да добие златно кафена боја по што се трга од оган;
- Се зема тортиља и на средината се полни со фил, а потоа се мота во ролна. По потреба секоја ролна може да се прикачи со чепкалка за заби за да не се растури при пржењето;
- Рерната се загрева на 100 степени Целзиусови, а готовите ролнички се ставаат на плех обложен со хартија за печење;
- Ролничките се печат на температура од 180 степени околу 15 до 20 минути додека да станат крцакви;
- Сервирајте со сечкана марула, авокадо и павлака или со додатоци по ваш вкус.
Б. С. Б. | Црнобело
Би можело да ве интересира:
Рецепт за гибаница со сирење од Air Fryer
Ако ви се најават гости, набрзина можете да испечете гибаница во Air Fryer и да ...
Ролнички од тиквички, полнети со пармезан и пилешки гради
Ролничките од тивички можат да бидат и главно јадење, но и прилог за месо. Се по...
Сочно пилешко во сос од сенф и кари
Ако немате идеја за ручек или сакате да зготвите нешто вкусно кога ќе поканите г...
2 рецепта за посното мени на Свети Никола што може да ги подготвите и во последен миг
Рибата можете да ја испечете во Air Fryer, а во компир салатата да додадете и ма...
Рецепт за брза пилешка салата – идеално мезе кога чекате гости
Заради овој рецепт секогаш ќе практикувате да имате дома пилешко месо и крастави...
Рецепт за посни колачи во форма на праски – омилениот десерт од детството
Идеални за посниот период - можете да подготвите поголемо количество, а никој не...
Препорачуваме
Најчитани неделава
