Рецепт за гибаница со сирење од Air Fryer
Ако ви се најават гости, набрзина можете да испечете гибаница во Air Fryer и да ги послужите со нешто домашно и вкусно.
За сите кои обожаваат гибаница, сега постои многу побрз и полесен начин да ја подготват.
Овој рецепт е со сирење, но доколку сакате, можете да ја направите со мелено месо, спанаќ или праз, по вкус.
Потребни состојки:
- 250g готови кори
- 2 јајца
- Сол по вкус
- 200g ситно сирење
- 100g фета сирење
- 1 шолја јогурт
- ½ шолја масло
- Прашок за печиво
Начин на подготовка:
- Во длабок сад направете смеса од јајцата, двата вида сирење, јогуртот, маслото и прашокот за печиво. Кога ќе ги споите убаво, додајте и сол по вкус.
- Корите убаво раздвојте ги и исечкајте ги на ситни парчиња со чисти ножици.
- Малку по малку, додавајте од корите во смесата од јајца и сирење и мешајте за да се спојат убаво. Постапката повторувајте ја додека не ги додадете сите кори во смесата.
- На дното на Air Fryer-от ставете хартија за печење, па истурете ја смесата за гибаница. Одозгора посипете со сусам.
- Печете околу 25 минути на 180 степени, а потоа свртете ја питата наопаку (како во видеото) и печете уште 10-12 минути за да се испече убаво и долната страна.
- Послужете ја топла.
Видео постапка:
А. Ј. | Црнобело
Би можело да ве интересира:
Брзи цвет банички со спанаќ и сирење
Ако размислувате што вкусно и солено да подготвите викендов, можете да го пробат...
Рецепти за 2 редени чоколадни торти што не се печат
Редена чоко-торта од бисквити и чоколаден прелив или торта со бела чоколада бана...
Брз летен ручек: Полнети пиперки со фета сирење и сланина
Сте пробале ли полнети пиперки со сирење и сланина? Ако не, ова ќе ви стане омил...
Сочна паста со шери домати и фета сирење, во Air Fryer
Паста е секогаш одлична идеја, без оглед дали сакате макарони, шпагети или орзо....
Рецепт за ѓевречиња со фета сирење
Децата ќе ги обожаваат, а ни гостите нема да може да им одолеат - овие ѓевречиња...
Протеински појадок за енергетски почеток на денот
Омлет со неколку видови зеленчук и фета сирење е одличен избор за да го почнете ...
Препорачуваме
Најчитани неделава
