Мезе ручек: Домашни увијачи со шунка и кашкавал – прсти да излижете
Мини ролатчиња од месо полнети со кашкавал и шунка – идеално мезе за четворица, од кое прсти ќе излижете.
Љубителите на месо може да пробаат нов специјалитет во кујната – мини ролатчиња или увијачи.
Оригиналниот рецепт е со мисиркино месо, но може да одберете месо по желба – се прават лесно, а сите што ќе ги пробаат ќе ги обожаваат.
Потребни состојки:
- 4 парчиња мисиркини гради
- 8 големи парчиња кашкавал (количината зависи од големината на парчињата)
- 8 големи парчиња квалитетна шунка (количината зависи од големината на парчињата)
- 50ml бело вино
- 1 чешне лук
- Малку маслиново масло за пржење
- Малку брашно за увалкување
- Сол и бибер
- Малку вода
Начин на подготовка:
- Секое парче месо ставете го помеѓу два листа хартија за печење и „исчукајте“ го од средината кон краевите за да го истенчите.
- Пресечете ги на половина по должина градите и наредете ги на даска.
- На секое парче месо ставете по едно парче шунка, па кашкавал и замотајте ги во ролни.
- Прицврстете ги ролните со кујнски конец или со две чепкалки за заби на краевите.
- Извалкајте ги ролните во брашно.
- Во тава на масло ставете го лукчето додека да пушти мирис и вкус.
- Извадете го лукот, додадете ги ролните во тавата и неколку минути пржете ги од сите страни на висока температура.
- Зачинете ги со сол и бибер, а кога ќе добијат златно-кафеава боја додадете го виното и оставете да испари.
- Додадете малку вода и оставете да се готват на тивко, покриени со капак 30 минути, додека течноста не се апсорбира, а месото не стане меко.
- Послужете ги топли.
М. М. | Црнобело
Би можело да ве интересира:
Предлог ручек: Орзо со пилешко и грашок
Ако не знаете што да зготвите за ручек, пробајте го овој брз и вкусен рецепт - о...
Лесен рецепт за брза вечера: Пита од тортиљи со растопен кашкавал и шунка
Мека пита со парченца шунка и растопен кашкавал, без месење, тегнење и чекање......
Брзо мезе: Ролат од тиквички (полнет со сè што сакате)
Вкусно мезе на кое основата му се тиквички, а филот може да го направите по ваша...
Викенд ручек: Сочни шпагети со грчки ќофтиња, во црвен сос
Овој превкусен рецепт е комбинација од италијанската и грчката кујна... Дали би ...
Рецепт за нудли со сусам и лук, совршен брз ручек за постите
Гладни сте и сакате да јадете нешто топло, но да го подготвите набрзина? За овој...
Вкусни домашни чорбести јадења за 5 дена во неделата
Пет рецепти за највкусните домашни јадења кои сигурно ви ги правеле дома, а преп...
Препорачуваме
Најчитани неделава
