Идеална летна ужина: Сè што ви е потребно во една чаша

Летните жештини сами по себе се прилично тешки за издржување, па дополнително на тоа не ни е потребна и тешка храна. Препорака на нутриционистите е да внесуваме што е можно повеќе течности во организмот и да јадеме свежо овошје и зеленчук.

Токму затоа, најдобро е да понесете со себе каде и да одите лесна летна ужина која е преполна со витамини.

Покрај тоа што ќе го негува вашиот имунитет, таа и ќе ве освежи.

Еве еден предлог за вашата следна ужина.

Потребни состојки:

• 2 шолји јогурт
• 2 шолји боровници
• Неколку капини
• 1 сечкана банана
• 2 коцки мраз

Подготовка:

Сите состојки ставете ги во блендер и миксајте ги додека не добиете компактна смеса. Освежителниот пијалак ставете го во чаша и уживајте во вашиот оброк.

На здравје!