Летен оброк: Пилешка салата во кроасан

Салатите се одличен избор во текот на летото. Лесни и вкусни, тие ќе ве освежат и заситат истовремено.

Ако сакате пилешка салата, еве еден интересен рецепт кој можете да го подготвите за појадок, ручек или вечера.

Потребни состојки:

• 200g пилешко бело месо, сварено и исечкано
• 50g исечкани печурки
• ¼ шолја мајонез
• ¼ шолја исечкан индиски орев
• 1 лажица мед
• ½ лажица сенф
• 1 лажичка сок од лимон
• 4 кроасани
• Листови марула

Подготовка:

Помешајте ги сите состојки (освен марулата и кроасаните) во еден длабок сад.

Исечете го кроасанот на половина и на долната страна наредете листови марула.

Премачкајте го кроасанот со дебел слој пилешка салата и сендвичот е готов.

Пробајте и уживајте!