Рецепт за топло-ладно што ќе ви се погоди од прва
Еден од омилените десерти во целиот свет е топло-ладно. Дали и вие го нарачувате каде и да одите?
Многу луѓе кога ќе седнат во ресторан порачуваат топло-ладно.
Овој чоколаден колач (познат и како лава колач) во комбинација со сладолед од ванила е секогаш одличен избор, без оглед на сезоната.
Но, наместо да го порачувате во ресторан, сега можете самите да го направите дома.
Не е тежок за подготовка и ќе ви се погоди од прва, а по 2-3 обиди ќе се усовршите толку многу, што ќе бидете експерт.
Со овој рецепт нема да може да згрешите (состојките се за 4 колачиња).
Потребни состојки:
- 100g темно чоколадо
- 30g брашно
- 70g шеќер
- 70g путер
- 2 јајца
- какао и шеќер во прав по вкус
- прстофат сол
- малку екстракт од ванила
Начин на подготовка:
- Темното чоколадо исечкајте го ситно (или изрендајте го) и растопете го на пареа.
- Додадете го путерот и убаво измешајте за да се спојат, па тргнете ја смесата на страна.
- Во длабок сад ставете ги јајцата и шеќерот, па спојте ги со рачна маталка.
- Додадете го брашното (просејте го преку цедалка), прстофат сол и екстрактот од ванила.
- Повторно мешајте, а кога ќе добиете мазна смеса, во неа додадете го стопеното (малку изладено) темно чоколадо, па убаво измешајте.
- Печете ги колачињата во алуминиумски калапи за мафини. Калапите премачкајте ги со малку масло (или путер), а потоа ставете по малку какао и вртете ги калапите за какаото да се залепи на ѕидовите.
- Смесата поделете ја на 4 еднакви дела и распоредете ја во секој калап.
- Печете во загреана рерна на 200° околу 8-10 минути.
- Извадете ги колачите од рерната, оставете само малку да се изладат, па превртете го колачот наопаку во чинија и извадете го од калапот.
- Наросете го со малку шеќер во прав,, ставете една топка сладолед о ванила и послужете го веднаш.
Видео постапка:
А. Ј. | Црнобело
Би можело да ве интересира:
Рецепт за крофни со шеќер како на плажа
Има ли некој што не ги сака крофните со шеќер што се продаваат на плажа? Вкусни,...
Рецепт за посни колачи во форма на праски – омилениот десерт од детството
Идеални за посниот период - можете да подготвите поголемо количество, а никој не...
Вкусни домашни чорбести јадења за 5 дена во неделата
Пет рецепти за највкусните домашни јадења кои сигурно ви ги правеле дома, а преп...
Лиснати погачици со сладок крем и вишни
Ова слатко лиснато задоволство е совршено за појадок или ужинка. Дали би го проб...
Здрава ресана торта, подготвена во блендер
Портокал, чоколадо, јаворов сируп, ванила... оваа торта е вистински здрав делика...
Вкусен викенд појадок - потпечена тортиља со спанаќ и кашкавал
Богатство од вкусови за совршен викенд појадок кој се подготвува за 30-тина мину...
Препорачуваме
Најчитани неделава
