Предлог рецепти за божиќните пости – вкусни оброци без месо
Тестенини со печурки и спанаќ
Потребни состојки:
- 100g тестенини;
- 100g шампињони;
- 70g спанаќ;
- 1 мала пиперка (бабура);
- 120g кромид;
- 5g лук;
- 75g доматен сос;
- 20g брашно;
- 30ml растително масло;
- ½ лажиче сол;
- Прстофат црн бибер.
Начин на подготовка:
- Тестенините се готват според упатството на амбалажата, но немојте да ја фрлате водата во која се готвеле;
- Кромидот се сечка на коцкички и се динста на масло или на вода околу 2-3 минути;
- Се додава ситно исечкана пиперка и исечкани шампињони;
- Состојките се оставаат да се пржат околу 4-5 минути, па се додава ситно исечкано лукче;
- Се додава доматно пире и брашно и состојките се мешаат;
- По ова се додаваат околу 250-300ml вода од зготвените тестенини;
- Се додава сол и црн бибер и се остава сосот да зоврие;
- Се додава исчистен спанаќ искинат на ситни ленти и се остава да отстпи 1 минута;
- Во сосот се додаваат готовите нудли и се остватааѕ да отстојат 5 минути за да го примат вкусот;
- Готовите тестенини може да се сервираат веднаш.
Компир салата со кисели краставички и печурки
Потребни состојки:
- 3-4 поголеми компири;
- 2 кисели краставички (со средна големина);
- 100g шампињони;
- Гранче свеж магдонос;
- 2-3 млади кромитчиња;
- 4-5 големи лажици масло за јадење;
- 1 лажица сол;
- ¼ лажиче црн бибер.
Начин на подготовка:
- Компирите се мијат и се ставаат да се сварат во тенџере;
- Во меѓувреме се сечкаат печурките и краставичките и се ставаат во длабок сад;
- Сварените компири се лупат, се сечкаат и се додаваат во садот;
- Се додава исечкан магдонос и млад кромид;
- На салатата и се додава сол, црн бибер, масло и се меша.
Медени колачиња со суво грозје и јаболка
Потребни состојки:
- 100g шеќер;
- 1 голема лажица мед;
- 100ml инстант кафе;
- ½ лажица сода бикарбона;
- 25ml масло за готвење;
- 175g брашно;
- Прстофат сол;
- 1,5 лажица суво грозје;
- 1 јаболко;
- Прстофат цимет;
- 1 индиско оревче (изрендано).
Начин на подготовка:
- Јаболката се лупат и се сечкаат на мали коцкички, сувото грозје се става во малку млака вода;
- Рерната се загрева на температура од 180 степени Целзиусови;
- Свежо подготвеното инстант кафе се става во мало тенџере и му се додава шеќер и мед;
- Кафето се загрева на рингла додека да се стопат шеќерот и медот;
- Смесата се трга од оган и се додава сода бикарбона и се мати со маталка, додека не се направи пена;
- Се додава брашно, сол, цимет и индиско оревче;
- Смесата се меша со маталка додека да се добие изедначена смеса;
- Во смесата се додаваат коцкички јаболка и суво грозје и се меша со шпатула;
- Тестото се префрла во плех обложен со хартија;
- Колачот се пече на температура од 180 степени околу 25 минути, или додека да добие златно кафеава боја.
Б. С. Б. | Црнобело
Би можело да ве интересира:
3 супи за рамен стомак (се подготвуваат за 30 минути)
Ако планирате да бидете на диета и да загубите некој килограм, супите се одлични...
3 рецепти за деновите кога постите без масло
Шпагети со лук и сусам, вкусен ориз со лозови листови или киноа... Што можете да...
Рецепт за турски ѓевречиња меки како душа
Овие турски ѓевречиња уште се познати и како ачми, а може да ги подготвите и со ...
2 рецепта за посното мени на Свети Никола што може да ги подготвите и во последен миг
Рибата можете да ја испечете во Air Fryer, а во компир салатата да додадете и ма...
Рецепт за посни колачи во форма на праски – омилениот десерт од детството
Идеални за посниот период - можете да подготвите поголемо количество, а никој не...
Највкусната посна сарма со праз, по рецепт на нашите баби
Бадниковата и божиќната трпеза никако не можат да поминат без посна сарма... Дал...
Препорачуваме
Најчитани неделава
