Рецепт за чизкејк мафини со урми, без печење

Спонзорирано од:

Product Owner (Skopje) 27-04-2025	Product Owner (Ohrid) 27-04-2025
Product Owner (Bitola) 27-04-2025	Setup Engineer (Skopje) 27-04-2025

Рецепт за чизкејк мафини со урми, без печење

Постојат многу начини за подготовка на чизкејк, а еден од нив е со комбинација на урми и какао.

За околу 40 минути можете да подготвите здрави и вкусни чизкејк мафини, кои притоа, не се печат.

Овој рецепт често се споделува на Инстаграм, а оние што ги пробале мафините велат дека имаат совршен вкус.

Како да ги подготвите?

Потребни состојки:

12 урми
¼ шолја млеко
½ лажичка сол
60g путер од кикирики
60g какао во прав
125g крем сирење
80g темно чоколадо

Начин на подготовка:

Исчистете ги урмите од семките, па ставете ги во длабок сад и попарете ги со врела вода. Нека отстојат барем 30 минути (или преку ноќ).
Исцедете ги урмите од водата, па ставете ги во блендер или процесор за храна.
Додадете го млекото и голем прстофат сол.
Блендирајте додека сместа не се изедначи, па потоа поделете ја во два сада на еднакви делови.
Во еден сад додадете какао во прав и путер од кикирики.
Мешајте додека смесата убаво не се соедини (треба да биде цврста за да се обликува).
Ако е премногу леплива, изладете ја во фрижидер неколку минути.
Поделете ја на шест еднакви делови, направете 6 топчиња и секое топче ставете го во калап за мафини.
Со чашка притиснете го секое топче за лесно да се распореди по ѕидовите на калапот за мафини (вака формирате мини подлоги за чизкејк).
Во вториот сад со урми додадете крем сирење, па мешајте додека смесата не стане мазна и кремаста.
Филот рамномерно ставете го со лажица во подготвените калапи, филувајќи го секој чизкејк мафин до врвот.
Растопете го темното чоколадо и прелејте го одозгора секој чизкејк мафин.
Ставете ја модлата со колачи во фрижидер најмалку 1 час, па кога ќе се стегнат, послужете ги.