Рецепт за домашен сос за скара - совршен за месо, но и за сендвичи
Овој сос може да го користите за јадења со месо, како пилешки крилца, свинско месо, ребра... Но, исто така може да го пробате и во сендвичи, хамбургери или да го користите како додаток за помфрит или пржен кромид.
Скарата е секогаш добра идеја кога се собираме со семејството и пријателите, но ако се одлучите на сето тоа да додадете и домашно приготвен сос, веруваме дека ќе ги импресионирате вашите блиски.
Овој сос се прави брзо (за 20-тина минути), а во фрижидер може да го чувате и неколку недели.
Како да направите домашен сос за скара?
Потребни состојки:
- 350ml кечап
- 120ml јаболков оцет
- 120ml вода
- 45g кафеав шеќер
- 60ml соја сос
- 2 лажички сенф
- 1 лажичка лук во прав
- 1 лажичка мелен ким
- 1 лажичка чаден црвен пипер
Начин на подготовка:
- Во средно тенџере, измешајте ги кечапот, оцетот, водата, кафеавиот шеќер, соја сосот, сенфот, лукот во прав, мелениот ким и црвениот пипер.
- Оставете ги да зовријат на средна температура.
- Откако ќе зовријат, намалете ја температурата на минимум и оставете да се варат, често мешајќи додека смесата не згусне.
- Зачинете по вкус и чувајте во фрижидер до 2 недели.
- Така подготвениот сос може да го користите за јадења со месо, како пилешки крилца, свинско месо, ребра. Но, исто така може да го пробате и во сендвичи, хамбургери или да го користите како додаток за помфрит или пржен кромид.
М. Ѓ.| Црнобело
Би можело да ве интересира:
5 домашни сосови кои се одлична замена за мајонез
Се подготвуваат брзо, лесно, вкусни се и здрави и одлична замена се за мајонез.....
Сочно пилешко во сос од сенф и кари
Ако немате идеја за ручек или сакате да зготвите нешто вкусно кога ќе поканите г...
Вкусен појадок за гурмани: Потпржени сендвичи со јајца, сувмеснато и растопен кашкавал
Сендвич или пржено лепче? Со овој рецепт можете да ги искомбинирате и двата поја...
Рецепт за пилешко полнето со печурки и пармезан
Ако досега не сте зготвиле пилешки гради на овој начин, пробајте ги веднаш - нем...
Посни пржени лепчињa - крцкави и вкусни
Што мислите за посна варијанта на вашиот омилен појадок? Мора да ги пробате овие...
Колач медено срце - посен десерт чиј вкус потсетува на детството
Брз, едноставен и со вкус кој ќе ви врати носталгија - колачот Медено срце е нав...
Препорачуваме
Најчитани неделава
