Рецепт за „медени младенчиња“ - посни колачиња за Младенци
За Младенци, кои се слават на 22 март, се месат 40 колачиња од брашно, кои се премачкани со мед и со нив се послужуваат гостите во домот, за бракот на младенците да биде сладок и долговечен.
Во некои градови во Македонија останала традицијата на празникот Младенци да се замесат 40 посни колачиња, кои се служат на гостите.
Со оглед на тоа што празникот се паѓа за време на Велигденскиот пост, традиционално се подготвуваат посни колачиња, кои се прелиени со мед.
Како да ги подготвите?
Потребни состојки:
- 500g брашно;
- 25g свеж квасец;
- 1 лажица шеќер;
- 2 лажици масло (и дополнително за премачкување);
- Прстофат сол;
- Мед за премачкување;
- 200 ml млака вода.
Начин на подготовка:
- Се става малку (околу 50ml) млака вода во длабок сад и во него се меша квасецот и шеќерот и се остава да отстои 10-тина минути;
- Кога ќе нарасне квасецот, постепено се додава маслото, остатокот од млаката вода и постепено се додава брашно, додека не се замеси меко тесто;
- Тестото се остава да отстои половина час;
- Кога ќе нарасне се развлекува со сукало, па со чаша се вадат кругови од тесто, како крофни и се редат на претходно премачкан плех;
- Од оваа смеса би требало да добиете 40-тина колачиња, кои треба да ги оставите да нараснат уште половина час;
- Рерната се загрева на температура од 160 степени Целзиусови;
- Колачињата се боцкаат со чепкалка за заби на неколку места, се премачкуваат со малку масло, непосредно пред печењето;
- Се печат во загреана рерна на температура од 160 степени, додека не добијат златно кафена боја;
- Откако ќе се изладат, колачињата се премачкуваат со малку мед;
- По желба можете да ги декорирате со малку суво грозје.
Б. С. Б. | Црнобело
Би можело да ве интересира:
3 рецепти за деновите кога постите без масло
Шпагети со лук и сусам, вкусен ориз со лозови листови или киноа... Што можете да...
3 супи за рамен стомак (се подготвуваат за 30 минути)
Ако планирате да бидете на диета и да загубите некој килограм, супите се одлични...
Рецепт за посни колачи во форма на праски – омилениот десерт од детството
Идеални за посниот период - можете да подготвите поголемо количество, а никој не...
Највкусната посна сарма со праз, по рецепт на нашите баби
Бадниковата и божиќната трпеза никако не можат да поминат без посна сарма... Дал...
Вкусни домашни чорбести јадења за 5 дена во неделата
Пет рецепти за највкусните домашни јадења кои сигурно ви ги правеле дома, а преп...
Рецепт за пилешко полнето со печурки и пармезан
Ако досега не сте зготвиле пилешки гради на овој начин, пробајте ги веднаш - нем...
Препорачуваме
Најчитани неделава
