Вкусен викенд ручек: Пилешко во кари сос во 6 чекори
Пилешко во кремаст кари сос... Идеален рецепт за викенд ручек со најблиските, а не е потребно да сте експерт во кујна за да го приготвите.
За овој викенд ви предлагаме да подготвите пилешко во кари сос. Можете да го искомбинирате со рижото или пак со пире од компири, а ќе им се допадне на сите.
Подготовката на овој ручек е многу лесна, но пред да почнете со готвењето, најдобро е прво да ги подготвите сите состојки за да ви бидат при рака.
Потребни состојки:
- 2 големи лажици сончогледово масло;
- 1 кромид (ситно исечкан);
- 1 чешне лук (истолчено);
- Парче ѓумбир со големина на палец (изрендано);
- 6 пилешки надкопани (исчистени од коски и исечкани на ситни парченца);
- 400g исечкани домати (свежи или од конзерва);
- 100g грчки јогурт;
- 1 врзоп исечкан коријандер;
- 1 лажичка сол;
- 2 лажички кари во прав;
- ½ лажичка ким;
- 1 лажичка црвен пипер;
- ½ лажичка црн бибер.
Начин на подготовка:
- Зејтинот се става во тавче и се загрева на рингла со средна температура;
- Се додава исечкан кромид и малку сол и се пржи од 8 до 10 минути, додека да добие златно кафена боја, па се додава лук и ѓумбир и се готви уште една минута;
- Исечканото пилешко се става во тавчето и се пржи околу 5 минути;
- Откако месото ќе се потпржи се додаваат зачините (сол, кари, ким, црвен пипер, црн бибер) и исечканите домати;
- Пилешкото се покрива со капак, па се остава да се крчка околу 25 минути односно, додека да се направи сос од доматите;
- Потоа се додава грчкиот јогурт и се меша, па откако ќе се прокрчка уште неколку минути се додава и ситно исечкан коријандер.
Б. С. Б. | Црнобело
Би можело да ве интересира:
3 супи за рамен стомак (се подготвуваат за 30 минути)
Ако планирате да бидете на диета и да загубите некој килограм, супите се одлични...
Сочно пилешко во сос од сенф и кари
Ако немате идеја за ручек или сакате да зготвите нешто вкусно кога ќе поканите г...
5 предлог посни рецепти за деновите кога не знаете што да јадете
Пет рецепти без масло и со масло за деновите додека трае постот. Што можете да п...
Рецепт за турски ѓевречиња меки како душа
Овие турски ѓевречиња уште се познати и како ачми, а може да ги подготвите и со ...
2 рецепта за посното мени на Свети Никола што може да ги подготвите и во последен миг
Рибата можете да ја испечете во Air Fryer, а во компир салатата да додадете и ма...
Предлог ручек: Орзо со пилешко и грашок
Ако не знаете што да зготвите за ручек, пробајте го овој брз и вкусен рецепт - о...
Препорачуваме
Најчитани неделава
