Ароматизирана вода - идеално летно освежување

Водата е извор на здравје, тоа ќе ви го потврди секој доктор, нутриционист или советник за диета. Ако внимателно ја прочитате секоја диета, ќе забележите дека во неа пишува дека треба да пиете 10 чаши вода дневно.

Но, затоа што никој не сака да се налева со вода, потребно ви е повкусно решение.

Едноставно, направете ароматична вода со додатоци кои ќе го забрзаат метаболизмот и ќе ви го разладат организмот.

1. Вода со лимон и краставица - Измиксирајте 10 чаши вода, 1 краставица и 1 лимон исечен на четвртина. Во целата смеса ставете неколку листови нане.

2. Јагоди и лимон - Во блендер миксирајте 10 чаши вода, 6 јагоди, исечкан лимон и листови нане.

3. Копар и лимон - Во 150ml вода проварете 3 гранки исушен копар околу 5-10 минути. Потоа измиксирајте ја течноста со уште 10 чаши вода, лимонов сок, излупен портокал, 12 листови нане.

4. Капини и жалфија - Богат антиоксиданс кој можете да го подготвите со 10 чаши вода, 1 шолја капини и 4 листови жалфија.

5. Рузмарин и лубеница - Неколку парчиња лубеница помешајте со 10 чаши вода и 2 гранчиња рузмарин. Можеби ви звучи чудно, но вкусот е освежителен.

6. Ананас и нане - Помешајте во блендер 10 чаши вода со 1 чаша ананас исечен на коцки и 12 листови свежо нане.

7. Јаболка и цимет - Јаболката е диетален производ кој не смеете да го заобиколите, па затоа измешајте 1 јаболко ситно сечкано со 10 чаши вода и 2 лажици цимет.

8. Ѓумбир и црн чај - Оваа егзотична мешавина ќе ве потсети на жешко лето во Турција, големи бранови и ориентално уживање. Доволно е да сварите 1 лажица црн чај и 1 лажица сушен ѓумбир со 10 чаши вода.