Витамински пијалаци за здраво освежување после тренинг

Доколку се занимавате со спорт и редовно тренирате, нутриционистите ви препорачуваат вкусен витамински коктел по серијалот вежби, кој ќе ви помогне брзо да ја вратите енергијата.

Пена од мед, бадеми и млеко за регенерација

Овој коктел ќе ви помогне да ги обновите мускулните влакна по напорните вежби. Неопходни ви се лесно сварливи протеини и шеќери, па затоа ви предлагаме да го испробате овој микс.

Измешајте 150g мелени бадеми, 1,5dl млеко, 50g крем сирење, 2 лажици мед и 1 лажица природен екстракт од ванила, па добиената пенеста маса испијте ја најдоцна 1 час по тренингот.

Сокот од морков и лимон ги елиминираат солите

По напорното трчање или аеробикот кој ве препоти, обидете се испиете сок од морков и лимон кој ќе ја подобри работата на бубрезите и ќе го забрза исфрлањето на токсини од организмот.

Измешајте 2dl сок од морков и сок од 1 лимон, додајте 2 капки масло од грејпфрут и лажица мед и испијте го наеднаш.

Сок од грејпфрут против воспаленија

За да го спречите воспалението на зглобовите и мускулите по напорниот тренинг, а и да го поттикнете произведувањето на колаген во огранизмот, испијте 1 чаша сок од грејпфрут со половина лажица ѓумбир во прав.

По желба засладете со лажица мед и разредете со малку вода.