Колагенско кафе за подмладување: Кои се ефектите и како да го направите?

Џенифер Анистон и Кортни Кардашијан се само дел од светските ѕвезди кои не останаа рамнодушни на кафето кое стана хит. Кои се придобивките од колагенското кафе и зошто е толку популарно?

Таканареченото колагенско кафе е кафе во коешто е додаден колаген и кое ја прави кожата затегната и сјајна.

Многу често познатите личности го истакнуваат овој пијалак како една од тајните за убавината и младешкиот изглед.

Како што е познато, по дваесет и петтата година колагенот во телото се намалува, па ова е совршен пијалак кој ќе ви помогне во негувањето на кожата. Колагенот го спречува развојот на брчки и целулит.

Ако сакате да пробате колагенско кафе, можете да го направите и сами. Потребно е само да купите колаген во прав.

Секогаш имајте на ум дека треба да купувате висококвалитетни колагенски продукти од реномирани производители.

Важно е да знаете дека мит е дека постои вегански колаген бидејќи тој има само животинско потекло.

Можно е да постојат вегански алтернативи со слични својства, но важно е да знаете дека тоа не е колаген.

Како да направите колагенско кафе?

Една или две лажици колаген во прав едноставно измешајте ги во кафе. Прочитајте го упатството од производителот и придржувајте се до препорачаната доза.

Препорачливо е да се додава во веќе изладеното кафе бидејќи во топли пиајалци молекуларната структура на колагенот може да се уништи и со тоа ги намалува посакуваните здравствени придобивки.

Колагенот е важен за здравјето на нашата кожа, коски и зглобови, па затоа се препорачува утрото да го започнете со овој пијалак.

Се смета дека ова кафе со колаген е безбедно да се консумира и за време на бременост и лактација. Состојките не претставуваат никаква штета ниту за мајката ниту за бебето.

Но, доколку сте бремена или доите, секогаш треба да се консултирате со лекар пред да воведете нешто ново во исхраната.

Треба да знаете и дека не само една доза би можела да доведе до резултати, туку колагенот во прав треба да се зема секојдневно и во подолг временски период.

Треба да ги следите упатствата на производителот бидејќи некои луѓе се алергични на колаген во прав направен од риба. Затоа, внимателно читајте го упатството.

Ако забележите какви било несакани дејства од колагенот, престанете да го земате и консултирајте се со вашиот лекар.

В. К. | Црнобело