Што јаде најпознатата Инстаграм фитнес ѕвезда секој ден?

Во текот на денот на поголемиот дел од нас ни се случува да сме презафатени со обврски како на работното место, така и со домашните одговорности и активности, па често може да ви се случи да немате време да подготвите здрав оброк.

Како инспирација можете да ја искористите Kayla Itsines една од најпознатите фитнес блогерки која споделува како изгледаат нејзините типични оброци во текот на еден ден.

Појадок

„Наутро или имам некакво деловно патување или ги тренирам моите клиенти уште во 6 часот, па станувам во 5 часот за да направам објава на Инстаграм и потоа се упатувам кон кујната да подготвам некој брз оброк кој ќе ја држи мојата енергија на високо ниво“ – вели Кајла.

„Со оглед на тоа што станувам многу рано и немам многу време за долги подготовки, најчесто одбирам едно парче интегрален леб со јајце на око“ – додава.

Нејзиниот појадок продолжува по завршувањето на тренингот со клиентите: „Јадам уште две дополнителни парчиња интегрален леб со уште едно јајце на око, авокадо со лимон, домати и спанаќ. Важно е добро да појадувате и да комбинирате производи кои ќе ви овозможат разноврсни хранливи материи“ – продолжува Кајла.

Ручек

Ручекот најчесто и се состои од салата и протеини: „Салатите се многу лесни за подготовка дома или да ги купите од најблискиот супермаркет. Ако правам домашна салата, најчесто употребувам: туна или пилешко, краставица, бибер, босилек, кромид, моцарела и киноа“.

Ужина

За ужина Кајла секогаш се одлучува за некакво овошје. Меѓу омилените и е мангото, бидејќи содржи големи количини на витамини Ц и А. Потоа продолжува со вежбањето, односно веднаш по ужината вежба 28 минути.

Вечера

„Секогаш се радувам на вечерата, бидејќи тоа е дел од денот кога целосно се релаксирам и се препуштам на моите потреби. При изборот на вечера секогаш користам различни производи и состојки. Некои од моите омилени оброци се: пилешко во кари сос и ориз, печено телешко со зеленчук, морска храна или риба и комплексни јаглехидрати“ – вели Кајла.