Што треба секогаш да имате во фрижидерот доколку сакате да ослабете?

Се одлучивте ова лето да ја намалите вашата тежина? Започнете со пополнување на фрижидерот со здрави состојки кои ќе ја заменат брзата храна и грицките.

Овошје

Овошјето е секогаш најдобрата ужинка која бргу ќе ве засити. Купувајте сезонско овошје. Јаболката, портокалот и крушите се секогаш добредојдени. И секогаш чувајте замрзнати боровинки малини и капини.

Готови протеини

За оние денови кога постојано се чувствувате гладни, но немате време за готвење, погрижете се секогаш да имате “инстант„ протеини без да навалите на јадење на нездрава и брза храна. Пилешкото чувајте го истолчено и маринирано во стаклени садови. Чувајте конзерви туна од кои бргу ќе направите туна салата или сендвич. Слободно купувајте конзерви готов црн грав од кој ќе направите брза салата. И гравот е одлична протеинска храна. 

Зеленчукот сецкајте го

Покрај овошјето и заленчукот претставува одлична ужина и извор на здрави идеи за грицкање. Во фрижидерот добро е секогаш да имате ситно исецкани и излупени моркови кои ќе бидат готови за конзумирање. Покрај тоа секогаш можете парче краставица да каснете со малку сол. Истите ќе бидат добра замена за чипсот.

Лимонски напитоци

Во шише со вода исцедете лимон и додадете ѓумбир. Оваа напивка добро е секогаш да ја имате при рака и во текот на денот на пиете малку по малку.

Јогурт

Наместо високо калорични десерти купете големи количини на јогурт. Покрај тоа што е здрав за вашите коски, од него може да направите одлични слатки напитоци кои ќе ги заменат колачите. Слободно додадете овошје и лажичка мед и готови сте.

Јајца

Предходно сварени јајца секогаш се добра идеа за брз, здрав и високо протеински појадок кој ќе ве држи сити долг период.

Хумус

Оваа високо протеинска каша е одлична замена за мајонезот и високо калоричните намази. Комбинирајте ја со зачини и маслиново масло и може да добиете одличен дресинг за сите свежи салати.

Спанаќ

Спанаќот нужно е да ви биде хранливата состојка која ќе се најде во секоја пица, паста или сендвич. Нека биде основа на секое јадење и вашиот вид и општо здравје, значително ќе се подобрат.

Бадемово млеко

Како замена за обичното полномасно млеко користете бадемово или соино млеко. Истите се богати со протеини и што е најважно не се високо масни напитоци. Сега со сигурност можете да го пиете вашето кафе со повеќе лажички млеко.