Оризова диета: За 3 недели 7 килограми помалку

Оригиналната оризова диета е создадена уште во 1939-та година, а првобитната намена и била за намалување на крвниот притисок, регулирање на шеќерот и подобрување на состојбата на бубрезите.

Но, затоа што оваа исхрана имала одлични ефекти кај намалување на килограмите, започнала да се користи и како диета за слабеење.

План на исхрана

Појадокот е секогаш ист: 1 шолја ориз варен во вода, без сол или шеќер. За подобар вкус може да исцедите малку лимонов сок или да додадете маслиново масло. За време на диетата практикувајте кафеав интегрален ориз.

Ужина: Парче овошје по желба.

Ручек во првите 7 дена: 1 шолја ориз, 1 шолја грав, грашок или леќа, парче интегрален леб. Користете повеќе зачини, а помалку сол.

Вечера во првите 7 дена: 1 шолја ориз и 150g безмасно месо (пилешки или мисиркини гради, свинска кременадла или риба). Месото не го посолувајте, исцедете само малку лимонов сок. Може да изедете и 1 парче интегрален леб.

Ручек во вторите 7 дена: 1 шолја ориз и парче интегрален леб.

Вечера во вторите 7 дена: 1 шолја ориз и парче интегрален леб, исто како и ручекот.

Третата недела се храните исто како првата, со тоа што додавате една млечна ужина помеѓу ручекот и вечерата. На пример 200ml млеко или мал јогурт.