Маја Кикириткова за уредувањето на домот: „И во купатилото немаме плочки - многу е олеснето за чистење“
„И во купатилото, плочки немаме, па чистењето е ептен олеснето. Само топла вода и сапун, или средства на природна база, без хемикалии, бидејќи самиот под не трпи и може да се уништи. Нема фуги за рибање...“, открива Маја Кикириткова.
Модната дизајнерка Маја Кикириткова Трајковски постојано на својот Инстаграм профил споделува детали од уредувањето на нејзиниот дом.
Откако откри дека во дневната соба и кујната никаде нема ставено плочки, сега вели дека истото го сторила и во бањата.
Токму овој детаљ многу ѝ го олеснило одржувањето на домот.
Во својата објава Маја Кикириткова вели:
„Пред некој период напоменав дека дома имаме користено микро цемент техника за подот. Истата техника ја имаме ставено и во купатилото, плочки нема, па чистењето е ептен олеснето.
Само топла вода и сапун, или средства на природна база, без хемикалии, бидејќи самиот под не трпи и може да се уништи. Нема фуги за рибање, сè е минимал, бело и чисто.
И ѕидовите се поминати со истата техника, па кога се ствара пареа не ги оштетува. На едниот страничен ѕид има ставено Terra Nostra Spaccante техника, со златни пукнатини.“
Погледнете како комплетно изгледа нејзиниот дом Во домот на Маја Кикириткова: Семејна куќа во Скопје во која доминира златната боја (фото)
С. С. | Црнобело
Би можело да ве интересира:
Препорачуваме
Најчитани неделава
