5 креативни идеи како да ги изложите цртежите на вашите деца во домот

Направете галерија на ѕидот или закачете ги на жица - постојат многу начини на кои можете да ги изложите цртежите на вашето дете и да покажете колку се гордеете со неговите уметнички дела.

Децата се бесконечен извор на креативни идеи. Тие постојано создаваат нови цртежи, па вистинска штета е да не ги зачувате и да не покажете колку, всушност, се гордеете со креативниот ум на вашето дете.

Неколку предлози како можете да ги изложите делата на вашите деца во својот дом:

1. Направате галерија на ѕидот

Наједноставен начин е да ги наредите цртежите во рамки за фотографии, без разлика дали тоа ќе биде во детската соба, ходникот или дневната соба.

Можете да одберете шарени рамки во различни бои или, пак, да се одлучите за монохроматски бои како што се црната и белата.

2. Залепете ги на ѕидот

Ако не сакате да ги оштетите ѕидовите со шајки, можете да ги залепите цртежите на ѕидот.

Тоа е воедно и добар начин за украсување на ѕидот од детската соба, а бидејќи не вклучува шајки, детето може многу лесно само да ги менува цртежите по сопствена желба.

3. Ставете ги на бирото

Ако сте љубител на минималистички стил и не ви одговара украсувањето на ѕидовите, цртежите на вашите деца ставете ги во обична рамка за фотографија и ставете ја на вашето биро.

А, ако станува збор за цртеж на кој детето е посебно гордо, тогаш на тој начин ќе му дадете мотивација за понатамошна работа и креативно изразување.

4. Закачете ги на жица

Уште една минималистичка идеја која одлично ќе се вклопи во модерно уредените станови.

На тој начин многу лесно можете и сами да го менувате распоредот на цртежите, а жицата можете да ја сместите каде сакате.

5. Направете постер од цртежите

Уште еден ефективен начин на кој ќе зачувате повеќе дела од вашите деца на едно место е да направите постер од неколку.

На поголем бел хамер од хартија залепете одбран дел цртежи и наредете ги така како што вам најмногу ви одговара.

Новонастанатиот постер потоа можете да го залепите на врата или ѕид.

М. П. | Црнобело