Кое парче мебел ќе ви го препорача секој продавач во IKEA?

Маркус Енгман, главниот дизајнер на шведскиот производител за мебел, IKEA, открива кое парче мебел зазема посебно место во нивната 70-годишна работа.

Мебелот на IKEA е толку популарен и широко распространет низ целиот свет, што сигурни сме дека дома имате барем едно парче мебел со потпис на оваа компанија.

Во морето на производи кои ги има лансирано IKEA за време на своето 70-годишно постоење, еден производ зазема посебно место.

Во едно интервју, главниот дизајнер Маркус, вели дека најдобриот производ на IKEA е двоседот „Klippan loveseat“.

Кариерата на Енгман со оваа компанија се поврзува уште од далечната 1983-та година, а двоседот за кој зборува, зазема посебно место во неговото срце со оглед на тоа што во `70-тите го дизајнирал неговиот татко.

„Се сеќавам кога дома го донесе овој двосед, а јас и мојата сестра го тестиравме“ - вели Енгман.

Според него, главни атрибути на ова парче мебел се едноставноста, достапната цена и можноста да се прилагоди на потрошувачот.

• 
• 
• 
• 
• 
• 
• 
• 
• 
• 
• 
• 
• 
• 
•  

Н. Г. | Црнобело