Новата лимитирана колекција на ИКЕА е експлозија на шаренила

Колку и да сме вљубени во скандинавскиот минимализам, понекогаш е добро да се заборави на сé што е бело, кристално јасно и пастелно и да се заврти копчето за 180 степени.

Новата лимитирана колекција на ИКЕА насловена „AVSIKTLIG“ го има на ум токму тоа и е наменета за сите храбри модерни луѓе кои не се плашат од смели дезени и многу бои.

Тројца млади дизајнери од ИКЕА во партнерство со култните членови на 10-gruppen познати по неверојатните текстилни дизајни ја направија новата колекција која вклучува 14 различни дезени, кои ИКЕА ги вклопи во постелнини, перничиња, софи, кутии, теписони.

10-gruppen го претставува најдоброто од скандинавската дизајнерска историја – демократски идеи, естетска иновација и непоразено чувство за материјали. Нивниот стил на дизајнирање не остарел воопшто, тој е младешки, радикален и смел, исто како што бил во ’70-тите додека групата работела најмногу.

Но, овој мебел не предизвикува носталгични чувства туку соработката се однесува на иднината, докажувајќи дека е сосема возможно да се прославува историјата, а таа да изгледа супер модерно.

Погледнете ја новата колекција шаренила на ИКЕА:

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

(O)Милена | Црнобело