Со едноставна идеја до голема помош за бездомните луѓе

Секојдневно ги гледаме големите билборди на улиците кои рекламираат различни производи, изгледаат атрактивно и привлечно, но досега никој не се сетил како дополнително да ги искористи.

Една агенција за дизајн од Словачка дошла до идеја дека доколку поврзе неколку такви билборди на едно место, може да добие голема затворена кутија во која некој може да влезе.

Одлична идеја за згрижување на бездомните луѓе. Сето тоа размислено многу посериозно и во консултација со архитекти и дизајнери смислиле цел проект со кој успеале да направат вистински мали домови.

Можеби однадвор ви изгледаат мали за да бидат нечиј дом, но со добар план и искористен простор, доколку ја погледнете внатрешноста пријатно ќе се изненадите.

Во едниот дел има мала кујна и опремена бања, а на другиот дел се наоѓа доволно простор за работна соба и спална.

Сето тоа е соодветно опремено со неопходните елементи за секој да се чувствува удобно.  Покрај тоа, употребени се природни материјали, соларни панели и еколошки и економично корисни технологии.

Одлична идеја за вдомување на бездомните која може да прерасне во многу поголем проект и да стане популарен начин за рекламирање и истовремено покажување на општествена одговорност.

• 
• 
• 
• 
• 
• 
•