5 предлози со кои ходникот ќе изгледа средено и стилски

Плакарот со повеќе намени во кои можете да ставите палта, чевли, но и да седнете, е идеален за секогаш среден ходник.

Ходникот е првото нешто што го гледате кога влегувате дома, па важно е да биде среден.

Ако сте како повеќето, веројатно на располагање имате ограничен простор, но со неколку трикови можете да го средите во удобно катче кое не изгледа хаотично.

Неколку идеи што ќе ви бидат од корист:

Плакар со повеќе намени

Препорачливо е максимално да го искористите просторот во ходникот, а повеќенаменските плакари се идеални за ова.

Во зависност од просторот што го имате, потрудете се да има место за чевли и палта, како и простор за седење.

Паметно поставено огледало

Огледалото визуелно ќе го зголеми просторот, но важно е и каде е поставено.

Ако имате долг и тесен ходник, ставете го огледалото на крајниот ѕид.

Доколку ходникот е краток, но поширок, тогаш ставете го на страничните ѕидови.

Важна е бојата на тепихот

Без разлика дали ставате килимче или тепих, важно е внимателно да ја изберете бојата.

Избегнувајте ја белата и главно многу светлите бои бидејќи на нив се познаваат и најмалите нечистотии.

Ставете практични закачалки

Покрај плакарот што го спомнавме на почетокот, ставете и некоја закачалка на ѕидот.

На овој начин веднаш ќе имате каде да ја закачите чантата или палтото кога ќе влезете дома и ходникот секогаш ќе ви биде среден.

Ако немате многу простор, доволен е и плакар за чевли

Доколку имате минијатурен ходник, тогаш наместо голем плакар, доволно е да ставите само некоја мала комода за чевли.

Нека биде и со простор за седење за да заштедите простор.

Спирова С. | Црнобело