Грешки во уредувањето поради кои домот секогаш ви изгледа хаотично

Купувате мебел кој е тежок за одржување и ги оставате ѕидовите бели – кои грешки да ги избегнувате за домот да не и изгледа неуредно?

Без разлика колку често чистите, доколку направите некои пропусти при уредувањето, домот скоро секогаш ќе ви изгледа хаотично.

Неколку грешки на кои треба да обрнете внимание:

Несоодветни украси на ѕидовите

Ѕидните украси, без разлика дали уметнички дела, фотографии или нешто друго, можат да го разубават просторот.

Но, погрешно избраните декорации можат да направат домот на изгледа хаотично.

Ако, на пример, просторијата е мала, а вие ставите огромна слика, собата ќе изгледа натрупано.

Ако, пак, на голем ѕид ставите еден минијатурен украс, тој непотребно ќе се истакнува и ќе делува чудно.

Купувате мебел кој бара многу чистење

Некои парчиња мебел бараат секојдневно чистење, некогаш и по неколкупати за да изгледаат добро.

Одличен пример за ова се црните мијалници – по секое пуштање вода, на нив ќе се познава бигор, па колку и да ги чистите, ќе изгледаат валкано.

Пред да одберете мебел за домот, добро размислете колку често ќе треба да го чистите и дали имате можност за тоа.

Ги оставате ѕидовите бели

Белите ѕидови изгледаат чисто и уредно и можат да бидат одличен избор ако сакате минимализам.

Но, не заборавајте дека на белите ѕидови и најмногу се познаваат дамки нечистотии.

Ако, пак, имате и мали деца, ќе биде практично невозможно белиот ѕид да остане бел.

Доколку не сакате потемни и впечатливи нијанси, можете да одберете понеутрална боја, како беж.

Изгледот на собата нема да се промени многу, но барем нема да се познаваат сите дамки и нема да мора да варосувате секоја година.

Фотографиите и сликите со рамки ви се закачени хаотично

Доколку планирате да го украсувате ѕидот со врамени слики и фотографии, препорачливо е да планирате однапред.

Ако ги закачувате каде било на ѕидот, голема е веројатноста резултатот да биде хаотичен, што ќе направи просторот да изгледа неуредно.

Продолжува на следната страница...