На гости кај Елена Илиевски во Германија: Дом на Македонка со сиво-црни тонови и совршена тераса (фото)

Детали

сабота, 12 февруари 2022

„Во дневната соба ставив посебен акцент на висечката ТВ комода која дава свежина на сиво - црните елементи во просторијата, а од особена важност ми се постерите над софата кои ги менувам во зависност од годишното време и бојата која сакам да ја искористам како декор за да го освежам просторот“, вели Елена Илиевски (29) за CRNOBELO.com за уредувањето на нејзиниот стан во Германија.

Елена Илиевски (29), дипломиран професор по англиски јазик и книжевнист, со сопругот Давид Илиевски, дипломиран туризмолог, живее во Бухолц, Германија (град во близина на Хамбург) во стан во центарот на градот со 73m2.

Тие веќе 4 години живеат и работат таму. Елена моментално работи како медицинско лице во Ковид центар во државна болница. 

За уредувањето на нивниот стан Елена споделува за CRNOBELO.com:

„Неодамна се доселивме во нов стан, кој за разлика од претходниот е доста поголем и покомфорен, а за мене најбитно беше да биде на приземје и да има балкон.  

Станот брои три соби, долг ходник, два балкони и се простира на површина од 73m2.  

За мене уредувањето претставува еден вид на процес во кој уживам. Идеите најчесто ги црпам од Pinterest. 

Од самиот почеток на уредувањето знаев дека за разлика од претходниот стан, кој беше уреден во светли тонови и преовладуваше белата и розoвата боја, овој стан ќе биде со поистакнати контрасти. 

Себеси се сметам за личност која е доста креативна, па затоа повеќето од декорациите дома ги изработувам сама или ги реставрирам со помош на сопругот.  

Пред да се доселиме во овој стан имавме можност со сопругот да посетиме еден музеј за мебел во Копенхаген, каде и двајцата бевме фасцинирани од моќта на црниот полстер трпезариски стол во склоп на индустрискиот дизајнот на дрвена маса. Така, без двоумење се решивме да нарачаме иста комбинација како таа што нè импресионираше, за која сметам дека е полн погодок затоа што столовите се доста удобни и безбедни.

За мене од големо значење е трпезаријата, затоа што сметам дека е совршено место кое што нè зближува со семејството и пријателите покрај вкусна храна, добро вино и убава музика.

Продолжува на следната страна...