На гости кај Еми и Јасмин: Еклектичен стан во Скопје со камин како од француски замок (фото)

Детали

сабота, 22 јануари 2022

„Постоењето на сентиментална вредност во просторот за мене е предуслов за топол дом, и затоа сингерицата (стара машина за шиење) и кристалните вазни на баба ми имаат централно место“, раскажува Емилија Еггер (34), Доктор на науки и универзитетски професор.

Емилија Еггер (34), Доктор на науки и професор на Скопје Метрополитан Колеџ, со својот партнер Јасмин живее во стан од 60m2 во скопската населба Карпош 3.

Просторот е совршено уреден со уникатни и винтиџ детали.

За уредувањето на нивниот дом Еми споделува за CRNOBELO.com:

„Екцентричноста и разноликоста отсекогаш ми биле голем дел од животот, па така и станот во Карпош 3 од 60m2 не беше поштеден.

Кога почнавме да го уредуваме се водевме исклучиво по нашиот стил, вкус и желба, не црпевме инспирација од социјални мрежи, Пинтерест или пак што е модерно во моментот.

Станот има многу детали во кои и се состои и целата еклектика на просторот, каде и да седенете од секој агол доживувањето е различно.

Постоењето на сентиментална вредност во просторот за мене е предуслов за топол дом, и затоа сингерицата (стара машина за шиење) и кристалните вазни на баба ми имаат централно место.

Многу сакам зеленило и станот го красат преку 30 различни видови на цвеќиња и истите се апсолутен погодок кога станува збор за еклектичен простор.

Продолжува на следната страна....