На гости кај пејачката Мими Јовановска: Куќа во Скопје со бел ентериер и соба гардеробер (фото)

Срцето на нашиот дом е отворениот простор на дневната соба. Дневниот простор е опремен со аголна гарнитура во букле материјал, ТВ комода од резбан медијапан со застаклен рафт од страна и монолитна кафе масичка како центар на просторот.

Дневната соба има прекрасен прозорец од под до таван и лизгачка врата кои нè поврзуваат со надворешноста. Овој дизајн максимално ја користи природната светлина и обезбедува беспрекорен премин во нашиот двор, идеален за игра на Никола.

Нашиот двор, веќе е опремен со мебел, но ќе почекаме да го уживаме во потоплите месеци.

Нашата кујна во бела боја е ремек-дело на дизајн и функционалност. Има вградени апарати и елегантен црн мијалник и чешма, создавајќи кохезивна естетика.

Материјалите што ги користевме се медијапан во бела мат боја и ламинам како работна површина и како ѕидна облога.

Сите фиоки и шкафчиња ги осмисливме однапред со архитектот за да се сместат сите потреби за кујната, вклучувајќи вградена корпа за отпадоци.

Од секогаш имав желба да имам остров и иако просторот не беше многу голем, архитектот успеа да го вклопи со тоа што го дизајнираше да биде заоблен од предната страна за да придонесе до флуидноста на просторот. Дополнително истиот не е фиксиран на подот, што значи можеме да го поместуваме во однос на тоа каде ни треба повеќе место.

Ја обожаваме и нашата трпезариска маса со црни ногарки и плотна од ламинам. Во кујната, островот и трпезариската маса е користен истиот модел на ламинам.

Нашата спална соба е мирно прибежиште, доминираат смирувачки тонови на крем и бела боја.

Просторот вклучува тоалетна маса со полумесечина огледало со LED осветлување. Тоалетната маса е изработена од резбан медијапан што и дава нота на префинетост.

Зад лизгачката врата се наоѓа плакарот, а несомнено полицата со високи потпетици ми е омилен дел од тој простор.

Продолжува на следната страница...