Во домот на Катерина: Стан во Аеродром од 48m2, со кујна во пастелна минт боја и многу цвеќиња

Детали

сабота, 27 април 2024

„Кога го купував станот, еден од одлучувачките фактори беше самиот распоред на станот, иако е помал од 50 m2. Но за да внесам „живот“ на функцијата на просторијата, избрав стил на внатрешно уредување кој основно ќе го дефинирам како скандинавски, со неутрални бои, во кој преовладува белата и пастелна минт боја“ - вели за CRNOBELO.com Катерина (35). 

Катерина Павлова (35) работи како софтверски инженер, а живее во стан од 48m2 во скопски Аеродром.

Специфично за станот е што во него е посебно нагласена пастелната минт боја – од ѕидови, до елементи и мали украси.

Со оваа боја совршено се надополнуваат големиот број растенија и цвеќиња, за кои Катерина вели дека ѝ создаваат свежина и позитивна атмосфера во домот.

Кујната пак, изгледа прилично големо за простор помал од 50m2 и е идеално организирана со мини тегличките со зачини, стаклените вратички од елементите и шолјите во минт боја кои висат.  

За уредувањето на домот, Катерина раскажува подетално за CRNOBELO.com:

Во станот живеам скоро 4 години. Кога го купував станот, еден од одлучувачките фактори беше самиот распоред на станот, иако е помал од 50 м², самиот распоред дозволуваше добро да се распоредат елементите во кујната, да имам простор за трпезарија и дневен простор кој ги содржи потребниот мебел и елементи.

Распоредот на станот даваше можност секоја од просториите да си ја задоволува својата намена и функција.

Но за да внесам „живот“ на функцијата на просторијата, избрав стил на внатрешно уредување кој основно ќе го дефинирам како скандинавски, со неутрални бои, во кој преовладува белата и таа е основната боја преку која акцент е ставен на детали во пастелна минт боја.

Уредувањето на ентериерот го препуштив на сестра ми која е архитект по професија и секако ги почитуваше моите желби за ентериерното уредување.

Но, употребата на пастелна минт боја на ѕид беше нејзина идеја која беше лесно прифатена од моја страна па акцент со минт зелена боја дадовме и на елементите на кујната.

Како боја што лесно ја прифатив и ми се врежа во меморијата, понатаму некако доведе до тоа многу од деталите да бидат во пастелни бои со земјени тонови.

Продолжува на следната страница...