На гости кај Елена: Стан од 76m2 во скопската населба Аеродром со современа дневна и детски соби со мурали (фото)

Детали

сабота, 11 ноември 2023

„Трпезариската маса ни е со црно стакло и намерно ја вклопив со цел да го разбие моментот на дрво и да даде пософистициран и поелегантен изглед. Столовите се во тиркизна боја кои ја разбиваат монотонијата и заедно со останатите ситни детали во тиркизна боја дадоа живост на целата дневна соба. Дури и креветот во спалната соба ни е тиркизен“, вели Елена Зафировска (35), радиолошки технолог, за својот стан во Скопје, каде живее со сопругот и ќерките.

Елена Зафировска (35) е дипломиран радиолошки технолог и вработена е во Универзитетска клиника по хируршки болести Св. Наум Охридски, како радиолошки технолог.

Во станот од 76m2 во скопската населба Аеродром живее со сопругот Филип (36), сопственик на приватна фирма за транспорт и со двете деца Стефани (11) и Сара (7).

За уредувањето на нејзиниот дом таа открива детали за CRNOBELO.com:

„Идејата за уредувањето на станот беше инспирирана од современоста и практичноста истовремено.

Бидејќи сум љубител на дизајн и креативност одлучив да дадам идеја за уредување на станот, која заедно со архитектот ја усовршивме.

Кујната е слатка инспирација за готвење во темносива боја, комбинирана со дрво кое го освежува изгледот.

Практична е и доволна за да уживам да го поминам слободното време во пробување на нови рецепти.

Трпезариската маса е со црно стакло и намерно ја вклопив со цел да го разбие моментот на дрво и да даде пософистициран и поелегантен изглед.

Столовите се во тиркизна боја кои ја разбиваат монотонијата и заедно со останатите ситни детали во тиркизна боја дадоа живост на целата просторија.

Бидејќи ѕидот во дневната просторија е изработен со техника во која преовладува потемна сива боја, гарнитурата е светлосива за да го отвори целиот простор.

Масичката е од масивно дрво со црни ногарки. Позадината кај телевизорот доминира во целиот простор и се вклопува во истиот.

Љубител сум на цвеќиња и книги и дефинитивно моето омилено место во станот е катчето со книги, кое уживам да го надополнувам.

Продолжува на следната страница...