10 едноставни решенија за вашиот дом да биде уште поудобно место за живеење

Насекаде низ домот ставете мали вазнички со по еден цвет - во дневната, кујната, во ходникот, во тоалетот - тие ќе му дадат живост на просторот. 

Понекогаш, кога се обидуваме да му дадеме личен печат на домот, го пренатрупуваме со непотребни работи или со ситници кои не се вклопуваат една со друга.

Па, наместо да создадеме чувство на топлина - во просторот правиме невиден хаос.

За да се избегнат овие грешки, ви нудиме 10 едноставни решенија, кои, се надеваме ќе ви помогнат при уредувањето или преорганизирањето на просторот.

Група книги на полиците

Некои луѓе ги редат книгите по висина, дебелина, боја на корицата, автор, а други ги ставаат без никаков конкретен редослед.

За полицата со книги да не ви е шарена, можете книгите да ги свртите обратно - корицата кон ѕидот, а листовите кон просторијата, па без оглед како ќе ги наредите, ќе доминира крем бојата и просторот ќе изгледа почисто и пошироко.

Расчистете ја масичката за пиење кафе

Ако на масичката за пиење кафе, освен шолјата и украсите имате и тегличка со шеќер, сад со бонбони, кутии со лекови и секакви ситници - просторот ќе делува исклучително неуредно.

Затоа тргнете ги апсолутно сите предмети кои не треба да стојат таму.

Мали вазни со цвеќе

Насекаде низ домот ставете мали вазнички со по еден цвет - во дневната, кујната, во ходникот, во тоалетот.

Без оглед дали се природни или вештачки, тие ќе му дадат живост на просторот.

Плетена корпа за ќебиња

Важно е добро да го организирате просторот во кој живеете.

Ако, на пример, во дневната немате плакар во кој би стоело ќебето што го користите кога сакате да легнете и одморите, наместо да ви стои на креветот, можете да купите плетена корпа и да го чувате здиплено во неа, а покрај креветот.

Играјте си со светлата

Светлото од лустерот никогаш нема да ви даде чувство на романтика.

Затоа, купете и неколку мали светилки или свеќи и играјте си со нив за да создадете убава атмосфера во просторот.

Групирајте ги украсните предмети

Со само неколку слични предмети можете да му дадете пријатен изглед на просторот.

Ако имате фотелја, кога е празна, таа делува стерилно. Ако ѝ ставите едно перниче веќе ќе создадете поубав простор.

Но, ако покрај перничето наместите и ламба во истиот стил и некој мал украс - одеднаш просторот околу фотелјата ќе биде топол и пријатен.

Празнични сијалички како украс цела година

Ако на ѕидот поставите неколку реда празнични сијалички, па на нив закачите фотографии, одеднаш ќе добиете необичен и уникатен украс на ѕидот кој може да стои таму во текот на целата година и да му дава лична нота на просторот.

Инвестирајте во убава постелнина

Понекогаш омилената постелнина е онаа што ја користиме со години и е толку стара што е демоде.

Купете барем една нова убава постелнина, која ќе го оплемени просторот.

Свеќи за топлина

Според дизајнерите на ентериер, најлесниот начин да внесете топлина во домот е да ставите неколку украсни свеќи.

Украсни полици

Ако живеете во мал стан или имате тесен простор, ставете полици на ѕидовите, а потоа на нив може да ставите украси.

А. Ј. | Црнобело