Чести грешки поради кои апаратите во домот ви се расипуваат

Ги „лизгате“ тавите и тенџерињата по стаклената/керамичката плотна на шпоретот

Ако имате плотна од стакло или керамика, немојте да ги „лизгате“ тенџерињата и тавите по неа бидејќи ќе ја оштетите.

Ова нема да го расипе шпоретот, но нема да можете да ги отстраните гребаниците од плотната.

Користите рачен блендер во жешко тенџере

Кога правите крем-супа или нешто слично, немојте да го користите рачниот блендер додека храната во тенџерето е многу жешка бидејќи ќе го оштетите.

Не ја чистите микробрановата редовно

Кога ќе ви испрска храна во микробрановата печка, исчистете ја веднаш.

Аkо не ја исчистите, а повторно ја користите микробрановата, од топлината храната ќе се стврдне и може да биде невозможно да ја отстраните.

Покрај тоа, со текот на времето ќе ги оштети и ѕидовите на печката

Експериментирате со трикови за чистење на уредите

Секогаш чистете ги уредите како што е наведено во нивното упатство за употреба.

Дури и ако видите некој трик онлајн, ако не станува збор за потполно ист модел како вашиот уред, не ризикувајте.

Спирова С. | Црнобело