Едноставни совети со кои ќе им го продолжите рокот на траење на апаратите во домот

Не оставајте предмети на лаптопот

Повеќето лаптопи, барем оние со подостапна цена, се направени од пластика.

Па, ако врз лаптопот ставате предмети, ќе го оштетите екранот.

Немојте да го чистите телефонот со влажни марамчиња

Влажните марамчиња не се наменети за екрани и смартфони.

Во која било продавница за техника можете да најдете средства за чистење екрани и смартфони кои не се скапи.

А, доволно е и само да го пребришете екранот на смартфонот со сува крпа.

Редовно проверувајте ја вратата од фрижидерот

Ако го имате фрижидерот веќе неколку години, препорачливо е редовно да ја проверувате вратата.

Ако фрижидерот не се затвора добро, тогаш ќе троши повеќе струја за да ја постигне температурата.

Лесно можете да проверите дали фрижидерот се затвора добро со банкнота или лист хартија – ставете ја помеѓу гумата на вратата и фрижидерот и затворете ја вратата.

Ако банкнотата или листот останат во место, тогаш вратата се затвора добро.

Купете соодветна торба за лаптопот

Немојте да го носите лаптопот во обичен ранец, особено ако го носите на работа или каде било скоро секојдневно.

Обичниот ранец не ја нуди истата заштита како и специјалната торба за лаптоп.

Спирова С. | Црнобело