6 совети со кои облеката ќе ви остане снежно бела како на првото носење

Лимон или оцет за свежина

Свежината на белата облека може да ѝ ја врати и лимонот - ставете околу 50ml сок од лимон во машината за перење откако таа ќе го повлече прашокот (или применувајте го ова кога перете на рака ако се плашите да не ја уништите машината).

Белината на облеката може да им ја врати и алкохолниот оцет. Тој истовремено ги прави алиштата помеки.

Па ако перете поделикатна облека, пред последното плакнење, во машината ставете околу 20ml алкохолен оцет.

Доколку пак, перете бела облека на 90°С, тогаш ставете околу 100ml алкохолен оцет.

Запомнете: алкохолниот оцет не смеете да го мешате со белило - тоа ќе ја уништи облеката.

Пожолтените дамки од пот третирајте ги веднаш

Не ја „фрлајте“ испотената облека на перење без да ставите средство за дамки или некаков детергент на местата под пазувите.

Прво поминете го местото со сапун или какво и да е друго средство кое ќе ги исчисти жолтите дамки, а дури потоа оставете ја облеката во корпа за валкана облека.

Или поминете ја само со вода под чешма - и тоа е доволно.

Но, ако не го третирате местото веднаш, веројатноста дека ќе останат жолти дамки (иако користите антиперспирант) е голема, а тоа значи и дека белата облека многу побрзо ќе го загуби својот снежно бел сјај.

Не ја сушете облеката директно на сонце

И сончевите зраци ја менуваат бојата на облеката - ја избелуваат темната облека, а ја потемнуваат светлата.

Затоа, наместо да ја изложувате директно на сонце, сушете ја под сенка, и на места каде што има провев.

Исто така избегнувајте да ја сушите облеката во затворена просторија.

А. Ј. | Црнобело